मैले गाउने गीतभित्र, तिम्रै शब्द भरेकी छु
छातीभित्र नमेटिने, तिम्रै चित्र कोरेकी छु ।
नभुलाऊ त्यो मन कतै, नडुलाऊ आँखाहरू
तिमी नै हौ मेरो आधार, म त तिम्रै भर परेकी छु
म त तिम्रै भर परेकी छु ।
तिमी भए जीवनमा, चाहिँदैन अरू केही
तिमी नै हौ मेरो संसार, तिमीबाहेक छैन कोही ।
झर्न नदेऊ शीतको थोपा, मर्न नदेऊ रहरहरू
तिमी नै हौ मेरो आधार, म त तिम्रै भर परेकी छु
म त तिम्रै भर परेकी छु ।
यात्रा हो रे जीवन यो, बाटो आफैँ खोजेकी छु
एक्लै हिँड्न गाह्रो हुँदा, साथ तिम्रो रोजेकी छु ।
नचुँडाऊ मनको नाता, नछुटाऊ साथ मेरो
तिमी नै हौ मेरो आधार, म त तिम्रै भर परेकी छु
म त तिम्रै भर परेकी छु ।
मैले गाउने गीतभित्र, तिम्रै शब्द भरेकी छु
छातीभित्र नमेटिने, तिम्रै चित्र कोरेकी छु ।
नभुलाऊ त्यो मन कतै, नडुलाऊ आँखाहरू
तिमी नै हौ मेरो आधार, म त तिम्रै भर परेकी छु
म त तिम्रै भर परेकी छु ।