जङ्गलको यात्री हुँ म, जङ्गलै हो घर
जङ्गलभन्दा पर मेरो छैन संसार ।
मिर्मिरेमा हावा चल्यो, कोइली करायो
मलाई त मेरै जीवन लाग्छ रमाइलो ।
कथा होइन मेरो जीवन, किताबमा पढेजस्तो
सपनामा पौडिएर महासागर तरेजस्तो ।
म पनि त मानिस हुँ, हेर मलाई
बाँचेको छु जङ्गलमा, सधैँ रमाई ।
मिर्मिरेमा हावा चल्यो, कोइली करायो
मलाई त मेरै जीवन लाग्छ रमाइलो ।
कस्तो हुन्छ जाडो–गर्मी, कस्तो हुन्छ भोक ?
परिश्रमी पाखुरी छन्, छैन केही रोग ।
आधा शरीर ढाकेको छु, आधा छ नाङ्गै
सुख–दुःख जे भए नि, आमा नेपालकै ।
मिर्मिरेमा हावा चल्यो, कोइली करायो
मलाई त मेरै जीवन लाग्छ रमाइलो ।