गीत : जन्मिएको बस्ति छुट्यो

साथी छुट्यो, कापी छुट्यो, पढ्न पाउने हो कि होइन !

आफ्नै भाग्य फुटीगयो, बाँच्न पाउने हो कि होइन

ठूला ठूला कानुनमा बालहक, अधिकार छ

बालबस्तीमा आगो झोस्ने, नियतिलाई धिक्कार छ

साथी छुट्दा, गुरु छुट्दा, छुट्दा आफ्नै गुरुआमा

भविष्य नै अँध्यारो छ बाँच्न पाउने हो कि होइन !!

ऐठन हुन्छ सपनामा पढ्ने किताब जल्दाखेरी

हुरी चल्दा झुपडीमा, मेरी आमा ढल्दाखेरी

जन्मिएको बस्ती छुट्यो, अर्को पाउने हो कि होइन

बाले अन्तिम बाटो रोजे, म नि बाँच्ने हो कि होइन