घोचेर हैन, सोचेर बोलौँ
मनको ढोका खोलेर बोलौँ ।
कतै बिर्से पनि बोल्नेले
बिर्सिँदैन, याद गर्छ सुन्नेले
घोचेर हैन, सोचेर बोलौँ
अलिकति मिठास घोलेर बोलौँ ।
पीडालाई शब्दले कोर्न सकिँदैन
आँसुको मूल्य त तिर्न सकिँदैन ।
मनको अठोट पढ्न सकिँदैन
दुःख र हार सधैँ छेक्न सकिँदैन
घोचेर हैन, सोचेर बोलौँ
अलिकति मिठास घोलेर बोलौँ ।
शब्दले मुटु जोड्न पनि सक्छ
शब्दले मुटु तोड्न पनि सक्छ ।
समयको चक्र कसले देख्छ ?
बोलेकै शब्दले भाग्य लेख्छ
रिसको झोँकमा मुख नखोलौँ
शब्द तीर हुन् मनमै लाग्छन्
अबदेखि सधैँ सोचेरै बोलौँ
घोचेर हैन, सोचेर बोलौँ
अलिकति मिठास घोलेर बोलौँ ।
टिप्पणीहरू
अहिले कुनै टिप्पणी छैन। पहिलो टिप्पणी तपाईं नै गर्नुहोस्।