भोलि कहाँ थाहा छैन, आज तिम्रै गाउँमा छु
घरदेखि अलि वर, काफल फल्ने ठाउँमा छु ।
लेक थियो, वन थियो, बाँदर लड्ने भीर थियो
सुनाखरी फुल्ने पाखा तिम्रै घरनेर थियो ।
गोरेटोमा सजिएको पिँढी पोत्ने माटो थियो
आँगनमा ढिकी थियो, मझेरीमा जातो थियो ।
भोलि कहाँ थाहा छैन, आज तिम्रै गाउँमा छु
घरदेखि अलि वर, काफल फल्ने ठाउँमा छु ।
आएका छन् यादहरू आँखाभरि, मनभरि
पढ्ने स्कुल टाढा थियो, जान्नुपर्थ्यो खोला तरी ।
बसाइँ सर्दै गए सबै, अनि गाउँ रित्तो भयो
गन्ने झारले बाटो छेक्यो, घर पनि भित्तो भयो ।
भोलि कहाँ थाहा छैन, आज तिम्रै गाउँमा छु
घरदेखि अलि वर, काफल फल्ने ठाउँमा छु ।