कुशे पाटनका चउरहरूमा, स्वर्गीय संसार छ
बारेकोटका खर्कहरूमा, प्रकृतिको भण्डार छ।
मालिकामा शिर झुक्छन्, चुलाकोट र मछाइनाकी
भेरी अनि नलगाडमा, शीतलताको सञ्चार छ।
सुसेली सुन्छन् दुई भेरीको, रिम्नाका ती मान्छेहरू
सङ्गमभित्रै दुई नदीको, सभ्यताको आधार छ।
उभिएको छ इतिहास बोकी, जाजरकोट दरबार यो
जुनीचाँदे शिवालयमा, छुट्टै एउटा सार छ।
थिलथिलो पारे नि बस्ती, भूकम्पको केन्द्रले
उठ्ने हिम्मत र साहसको, यहाँ ठूलो सत्कार छ।