मलाई पनि त प्यार, पक्कै पनि होला
आफ्नै छुट्टै संसार, पक्कै पनि होला ।
फरार छिन् रे अचेल, मेरो दिल चोरेर
यसपालि त गिरफ्तार, पक्कै पनि होला ।
अन्धा-बहिरा छन् रे, सत्तामा बसेका
एक दिन सुन्ने सरकार, पक्कै पनि होला ।
बेहुली बनाउने यति, विघ्न सुन्दरीलाई
मेरो सपना साकार, पक्कै पनि होला ।
साहस गरी प्रस्ताव, मैले पठाएकै छु
यसपालि त स्वीकार, पक्कै पनि होला ।
मलाई पनि त प्यार, पक्कै पनि होला
आफ्नै छुट्टै संसार, पक्कै पनि होला ।