चलेकै हुन् तीर, नजरबाट
कस्तो देख्यौ तकदिर, नजरबाट ।
हेर्ने त, आफ्नो–आफ्नो दृष्टिकोण हो
कोही सम्म देख्छन् कोही भीर, नजरबाट ।
प्रेमको परिभाषा रहेछ फरक–फरक बजारमा
कसैको भगवान् त कसैको जञ्जीर, नजरबाट ।
कोही पुगे चन्द्रमामा त कोही भेटिन्छन् भट्टीमा
कोही छन् साधु यहाँ, कोही फकिर नजरबाट ।
लेखकको बारेमा
भक्तपुर, चाँगुनारायण ८ का स्थायी बासिन्दा कवि राजेश स्पन्दन हाल रोजगारीको सिलसिलामा युएईमा हुनुहुन्छ । वि.स. २०७३ देखि लेखनयात्रा शुरू गर्नुभएका स्पन्दनको पहिलो गजल साहित्यपोस्टमा २०७८ सालमा प्रकाशन भएको हो । उहाँको पहिलो कृति अब चाँडै बजारमा आउँदै छ ।
थप रचनाहरू पढ्नुहोस् →