मलाई रुवाउने धेरै भेटेँ हसाउने कोही भेटिन
दुःख पर्दा छोडेर जाने भेटेँ आउने कोही भेटिन ।
यो संसारमा खुट्टा तानेर लडाउने हजारौँ रहेछन्
म लडेको बेला हात समातेर उठाउने कोही भेटिन ।
मेरो मनमा चोट लगाउनेहरुकै जित भयो आज
किनकी मेरो घाउमा मलम लगाउने कोही भेटिन ।
मलाई बुझ्दैनस! भन्दै टाढिए नजिकका मान्छेहरू
मैले मलाई आफ्नो जिन्दगी बुझाउने कोही भेटिन ।
सबैले मेरा आँखाबाट आँसु झारेर गए पनि यहाँ
मैले मेरालागि आफ्नो आँसु बगाउने कोही भेटिन ।