एकतामा हिँड्दा सफलताको दिव्य बाटो भेटिन्छ भन्छन्
उन्नति, प्रगति र आत्मसन्तुष्टिको पाटो भेटिन्छ भन्छन् ।
दुष्कर्म, दुष्भाव र दुर्विचार पालियो भने जीवनमा
आफ्नैसँग जीवनभरिलाई पुग्ने फाटो भेटिन्छ भन्छन् ।
‘आफू भलो त जगत् भलो’, उक्ति कति आदर्शमय छ
अरूलाई सिध्याउन खोज्दामा आफ्नै घाटो भेटिन्छ भन्छन् ।
भुलेर पनि कसैले यो देशमाथि गद्दारी गर्नु हुन्न
भागेर लुक्न जहाँ पुगे पनि आफ्नै माटो भेटिन्छ भन्छन्।
सुखको हाँसो र दुःखको आँसुमा साथ दिन सक्यौ भने
जीवन काट्न एक–अर्कामा सुन्दर पाटो भेटिन्छ भन्छन् ।
सोझो मनले कर्म गरेमा कसको आत्मा रुन्छ र यहाँ
सत्यतामा आफूजस्तै शून्य दुनियाँ लाटो भेटिन्छ भन्छन् ।
उसलाई बिगारी एक दिनलाई राम्रो होलाौ तिमी
बाँचुन्जेल भने धोकाको त्यो अमिट खाटो भेटिन्छ भन्छन् ।