छन्द कविता : बनी सुकर्मी

बिहान जस्तै म ब्युँझेर आएँ

हटाउँदै बादल ज्योति ल्याएँ

उमङ्गका पङ्ख उचालिँदै छन्

बनी सुकर्मी,पग चालिँदै छन् ।

फिका भए फूल म रङ्ग भर्छु

छरेर मुस्कान फुलाइ दिन्छु

हराभरा सृष्टि, मनोहरा छन्

बनी सुकर्मी, पग चालिँदै छन्

म हेर्छु ऐना प्रतिविम्ब मेरो

सखी उनै हुन्,सुखदुःख मेरो

तितामिठा जीवनका कथा छन्

बनी सुकर्मी पग, चालिँदै छन्

किनारमा छालसँगै म

खेल्छु समीर सँगै बनमै म डुल्छु

अनेक इच्छा अनि चाहना छन्

बनी सुकर्मी, पग चालिँदैछन्

हिलो र माटो उछिनेर उठ्छु

सरोज झैँ माथि चुलेर फुल्छु

चट्टान फोर्ने कविका व्यथा छन्

बनी सुकर्मी, पग चालिँदै छन्

छ कामना देश सुशान्त छाओस्

अतीत जस्ता दिन फेरि आओस् स्व

तन्त्रताका रण मच्चिंदै छन्

बनी सुकर्मी पग, चालिँदै छन् ।

कुसुम गौतम म्यान्मा (बर्मा)