कता हिँड्यौ खाली खुट्टै चप्पल खै त नि ?
चप्पल लाउनुपर्छ भन्ने अक्कल खै त नि ?
काँढा बिझ्ला, फोहोर लाग्ला खाली खुट्टामा
लाग्ला ठेस, घाउचोट अनेक बित्थामा
लाउन त लाउँथ्यौ आक्कलझुक्कल, खै त नि ?
चप्पल लाउनुपर्छ भन्ने अक्कल खै त नि ?
चप्पल, जुत्ता लगाएर हिँडे साथीभाइ
हेर–हेर खाली खुट्टा भन्लान् तिमीलाई
गरेको त अरूको नि नक्कल खै त नि ?
चप्पल लाउनुपर्छ भन्ने अक्कल खै त नि
टिप्पणीहरू
अहिले कुनै टिप्पणी छैन। पहिलो टिप्पणी तपाईं नै गर्नुहोस्।