के हो भन्थेँ आकाशमा उड्ने फिरिफिरी
आखिरमा थाहा पाएँ रैछन् घामकिरी ।
कति धेरै रङ्गीचङ्गी कति धेरै हुल
यस्तो लाग्यो हावासँगै उडेका छन् फूल ।
उडेका पो कता होलान् लामा प्वाँख भिरी
बादलको देश जाने हो कि घामकिरी ?
पुच्छर पनि लामा–लामा हेलिकप्टर जस्तै
उडिमात्रै रहन्छन् कि जान्छन् कतै बस्दै ?
पात हल्लाई हावा पनि चल्यो सिरिसिरी
हावा चलेकै दिशातिर उडे घामकिरी ।
टिप्पणीहरू
अहिले कुनै टिप्पणी छैन। पहिलो टिप्पणी तपाईं नै गर्नुहोस्।