आमाले सिकुवामा
झुण्ड्याउनुभो फर्सी
आजै खाने हैन अरे
खाने भोलि पर्सि ।
जब पर्छ तिहुनको
अनिकाल धेरै
फर्सी पनि भन्दो होला
‘अब पालो मेरै !’
झुण्डिएको फर्सी देखि
राती बहिनी तर्सी
आजै खाने हैन अरे
खाने भोलि पर्सि ।
उसिनेर खाए हुने
पकाए नि हुने
गुणी पो रहेछ फर्सी
बल्ल आज सुनेँ ।
बुवालाई चाहिँ मन छ
बेची लाउन जर्सी
आमा भन्नुहुन्छ
‘अनिकालमा खाने भोलि पर्सि !’
टिप्पणीहरू
अहिले कुनै टिप्पणी छैन। पहिलो टिप्पणी तपाईं नै गर्नुहोस्।