अस्ट्रेलियाको सिड्नीमा अन्तर्राष्ट्रिय नेपाली साहित्य समाज (अनेसास) न्यु साउथ वेल्स च्याप्टरद्वारा प्रकाशित साहित्यिक कृति ‘अस्ट्रेलिया दर्पण’ को भव्य लोकार्पण सम्पन्न भएको छ । सोही अवसरमा च्याप्टरको ८ औँ साधारण सभा तथा १५ औँ स्थापना दिवस पनि मनाइएको थियो ।
डा. प्रकाश पौडेलको सभापतित्व तथा अनेसासका वरिष्ठ उपाध्यक्ष लालगोपाल सुवेदीको प्रमुख आतिथ्यतामा सम्पन्न कार्यक्रममा सिड्नी क्षेत्रका साहित्यकार, समाजसेवी, पत्रकार, कलाकार तथा साहित्यानुरागीहरूको उल्लेख्य उपस्थिति रहेको थियो ।
महासचिव भावना पराजुलीको सहजीकरणमा सुरु भएको कार्यक्रममा दीप प्रज्वलनसँगै उद्घाटन गरी नेपाल र अस्ट्रेलियाको राष्ट्रिय गान प्रस्तुत गरिएको थियो । त्यसपछि प्रमुख अतिथि, विशेष अतिथि तथा पूर्व अध्यक्षहरूको उपस्थितिमा ‘अस्ट्रेलिया दर्पण’ को संयुक्त लोकार्पण गरिएको थियो ।
वक्ताहरूले सिड्नीमा नेपाली साहित्यिक गतिविधि तीव्र रूपमा विस्तार भइरहेको उल्लेख गर्दै यसले नेपाली समुदायमा साहित्यप्रतिको चेतना अझ सुदृढ बनाएको धारणा राख्नुभयाे । प्रमुख अतिथि सुवेदीले कृतिको स्तर उच्च रहेको र यसले अनेसासको गरिमा थप उचो बनाएको बताउनुभयाे ।
नयाँ कार्यसमितिमा अध्यक्ष: भावना पराजुली, उपाध्यक्ष: डा. राजु मानन्धर, महासचिव: नगेन्द्र भट्टराई, सचिव: नेत्रप्रसाद पौडेल, कोषाध्यक्ष: प्रेक्षा कणेल, पब्लिक अफिसर: सरोज पाण्डे,
सदस्यहरूमा बालकृष्ण बस्याल, सितु श्रेष्ठ, दयाराम सिम्खडा, महिमा दीप फुल्लेल रहनुभएक्ाे छ ।
कार्यक्रममा बाल प्रतिभा आयाम घिमिरेको चित्रकला प्रदर्शनी तथा अन्य बाल प्रतिभाहरूको प्रस्तुति पनि आकर्षणको केन्द्र बनेको थियो ।
कार्यक्रमको अन्त्यमा “सिद्धिचरण श्रेष्ठ बाल वक्तृत्वकला प्रतियोगिता” का विजेताहरूलाई पुरस्कार वितरण गरिनुका साथै “अनेसास मिडिया अवार्ड” बाट डा. राजु मानन्धर सम्मानित हुनुभएकाे थियाे । नेपाली साहित्यको प्रवर्द्धनमा प्रवासबाट भइरहेको यस्तो सक्रियता प्रशंसनीय छ ।