१
रिसाउँदै माफी माग्ने कस्तो प्रेम हो यो ?
एकै पलमा टाढा भाग्ने कस्तो प्रेम हो यो ?
रुन्छौ, हाँस्छौ, हसाउँछौ, बच्चाजस्तै तिमी
छुटेपछि माया लाग्ने कस्तो प्रेम हो यो
२
तपाईँ आफ्नो बाको लागि नायक बन्नुपर्छ
स्वाभिमानी, निडर अनि लायक बन्नुपर्छ ।
बाका थुप्रै सपना होलान् पूरा हुन नसकेका
बुढेसकालको लाठीजस्तै सहायक बन्नुपर्छ ।
३
मीठो हुन्छ भन्थे सबै मिहिनेतको फल
हो रहेछ साँच्चै मीठो सफलताको पल ।
आत्तिएला मन तिम्रो, बरालिन दिनुहुन्न
एक दिन आफैँ खोज्छ यो जिन्दगीले हल ।