अन्तर्राष्ट्रिय नेपाली साहित्य समाज (अनेसास) को केन्द्रीय कार्यसमिति निर्वाचनका लागि उम्मेदवारहरूले चुनावी प्रचारप्रसार तीव्र पारेका छन् ।
निर्वाचन समितिका अनुसार आगामी जुलाई ७ देखि ९ सम्म मतदान हुनेछ । जुलाई ४ सम्म प्रचारप्रसार गर्न पाइनेछ भने जुलाई ५ र ६ लाई मौन अवधिका रूपमा तोकिएको छ । निर्वाचनको परिणाम जुलाई १० मा सार्वजनिक गरिने जनाइएको छ ।
सपटक केन्द्रीय अध्यक्ष पदका लागि अमेरिकाको बोस्टन निवासी लालगोपाल सुवेदी र क्यानाडा निवासी सुरेन उप्रेती प्रतिस्पर्धामा छन् ।
महासचिव पदमा राजु सिटौला र सहदेव कोइराला प्रतिस्पर्धी छन् । वरिष्ठ उपाध्यक्ष पदका लागि सुदीपभद्र खनाल र तारा अधिकारीबीच प्रतिस्पर्धा हुँदैछ ।
क्षेत्रीय उपाध्यक्षतर्फ एसियाका लागि दिनेशराज ज्ञवाली, ओसेनियाका लागि डा. प्रकाश पौडेल तथा युरोपका लागि राज श्रेष्ठ निर्विरोध निर्वाचित भएका छन् । अमेरिकाका लागि क्षेत्रीय उपाध्यक्ष पदमा अग्नि पराजुली, गीता बजगाईं र शकुन ज्ञवाली प्रतिस्पर्धामा छन् ।
सचिव पदमा ऋषभदेव घिमिरे तथा कोषाध्यक्ष पदमा पुष्पा खनाल निर्विरोध निर्वाचित भएका छन् ।
कार्यकारी सदस्य पदका लागि डा. कृष्ण शाह ‘यात्री’, डा. पारशमणि गङ्गाल, हरिमाया अधिकारी, महेश्वर पन्त, मीरा कोइराला, नीलकण्ठ सुवेदी, पीपलमणि सिग्देल र राजेन्द्र केसी प्रतिस्पर्धामा छन् ।