(एक)
मलाई त्यसै आफ्नै मनको घाउको डर लाग्छ
तिमीले देखाउने उल्टो हाउभाउको डर लाग्छ ।
कहिलेकाहीँ तिमीलाई भेट्न आउँ भने प्रिय
लठ्ठी टेक्ने तिम्रा ती हजुरबाउको डर लाग्छ ।
(दुई)
आश्रम धाउनेहरू मानसिक रोगी भए रे
निधारमा चन्दन दल्नेहरू भोगी भए रे ।
गुरुभक्तिबाट करोडौँ कमाउँछु भन्थे एक मित्र
तर आखिर माग्दै हिँड्ने जोगी भए रे ।
(तीन)
चुनावका लागि भोट-बैंक खोज्दैछन् उनी
मतपेटिका साट्न गुण्डाहरू रोज्दैछन् उनी ।
निर्वाचनमा जितेपछि कुन-कुन धनाढ्यलाई
कुन-कुन पद बिक्री गर्ने भनी सोच्दैछन् उनी ।