के बनायो ईश्वरले बुढो हुने शरीर यो
बाँचेको छु जस्तो लाग्छ तर जीवन मरिरह्यो।
आकाश थाम्ने शक्ति थियो कुनै बेला पाखुरीमा
हाडछाला मात्र रह्यो जीवन यो आखिरमा ।
हात-पाउ चल्न छोडे आफ्नै शरीर भारी भयो
बाँचेको छु जस्तो लाग्छ तर जीवन मरिरह्यो ।
ओइलाएर घाम जस्तै अस्ताउने रैछ जीवन
रहर होइन बुढो हुने फर्किएन फेरि यौवन ।
अङ्ग-अङ्ग सबै गले जिउ पलपल्मै ढल्यो
बाँचेको छु जस्तो लाग्छ तर जीवन मरिरह्यो ।
के बनायो ईश्वरले बुढो हुने शरीर यो
बाँचेको छु जस्तो लाग्छ तर जीवन मरिरह्यो।