कसैले तिम्रो सिरानीमा
यदि पैसा राखिदिएछ भने
सम्झनु- आफ्नो सपना पनि
आफ्नो नभई उसैको हुनेछ

दयाको पासोमा पारेर
पैसाको धारले-
हृदय रेटने धेरै छन् यहाँ
यदि त्यो धारमा
तिम्रो हृदय परेछ भने- सम्झनु
आफ्नो हृदय पनि
आफ्नो नभई उसैको हुनेछ

सक्छौं भने बेलैमा होश गरौं

हैन भने- न लहना आफ्नो हुनेछ
न चाहना आफ्नो हुनेछ
बन्दकीमा परेपछि- जिन्दगी
न बाँच्ने बहाना आफ्नो हुनेछ ।

चैनपुर, संखुवासभा
हाल: रातोपुल, काठमाडौँ