१३ कार्तिक २०८२, बिहीबार 
|
|
विष्णु निश्चल२०८२ कार्तिक १३ ०३:२९ |
दोबाटोमा एक्लै तिमी, टोलाएर किन बस्यौ ?
हातको रुमाल गाँठो पारी, खेलाएर किन बस्यौ ?
भेट्न भनी उसैलाई, कुरिरहेजस्तो देखें,
नभेट्ने त्यो निष्ठुरीलाई, बोलाएर किन बस्यौ?
कुर्दाकुर्दै साँझ भयो, यो मन पर्यो दोधारैमा,
छटपटी मनभित्र कति कुरा, डोलाएर किन बस्यौ?
रित्तो-रित्तो हात भयो, मुहार पनि मलिन देखेँ,
आगो आगो भएको त्यो मन, सेलाएर किन बस्यौ?
दोबाटोमा एक्लै तिमी, टोलाएर किन बस्यौ?
हातको रुमाल गाँठो पारी, खेलाएर किन बस्यौ?
साहित्यपोस्ट पढ्नुभएकोमा धन्यवाद
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
Scan गर्नुहोला
