युवाकवि मधुसुदन घिमिरेको प्रेमिल कविताहरूको सङ्ग्रह ‘मायाको आयतन’ यतिबेला चर्चामा छ । जन्मबाटै आँखाको दृष्टि नभएका घिमिरे मनोविमर्शकर्ताका रूपमा समेत सक्रिय छन् । आफ्ना कविताहरुका बारेमा कवि घिमिरे भन्छन्, ‘अहिलेको डिजिटल युगमा छोटा कविताहरुको उपस्थिति उल्लेख्य रहेको पाइन्छ, तर सङ्ग्रहकै रुपमा भने ज्यादै यस किसिमका कविताहरु आएका छन् । अझ हामी जस्ता दृष्टिविहीन साहित्यिक अनुरागी व्यक्तिहरु साहित्यको सहज पहुँचमा छैनन् । जसले गर्दा औपचारिक लेखनमा हामी कम छौँ । औपचारिक लेखनमा हस्तक्षेप राख्न पनि कृतिका रुपमा प्रकाशनमा आएको हुँ ।’

प्रस्तुत छ, उनै घिमिरेसँग कविता, साहित्य तथा मानसिक समस्याका विविध विषयमा साहित्यपोस्टका सम्पादक कृष्ण ढुङ्गेलले गरेको भलाकुसारी ।