साहित्यपोस्ट
नेपाली भाषा र साहित्यको सम्पूर्ण पत्रिका

कविता- भेटी

Chovar Blues Mobile Size

तिमीले बुझेको अग्रगमनको मिथ
थाहै नपाई नेपालमा गाउने
एउटा रटाने गीत भएपछि तिमीले देखेको अग्रगमनको दम्भ
थाहै नपाई आत्मारतिको
बाँदर नाच भएपछिअग्रगमनमाथि प्रश्न उठ्ने गर्छ मनभरि
के हो अग्रगमन?
म त भन्छु सुकरात र गेलिलियोलाई गएर सोध्दा हुन्छ
चेतको राग बुद्ध र कार्ल मार्कसँग बुझ्दा पुग्छ

तीर्थ निरौला

क्रमभङ्गको शब्द फलाक्दै हिँड्नेहरू हो!
अब्राहम लिङ्कन र नेल्सन मन्डेलालाई
पढे के बिग्रिन्छ ?

अब च्यातिदेऊ तिम्रा चिट चोरिएका
भ्रामक दस्ताबेजहरू
भ्रष्टताको धमिराले खाएको
खोक्रिएका ती नग्न अनुहारहरू
भाँचिदेऊ निरीहका ढाडमाथि कुल्चने
तिम्रा हात्तीपाइले पाउहरू
कुप्रिएका रक्तिम काँडे हातहरू

म त भन्छु;
कुटिलताको खियाले भुत्ते भएका
तिम्रा खोपडीको अब औचित्य छैन
किनकि जनताले गोडेको उर्वर मैदान
अब त कहिल्यै फूल नफुल्ने बगर बनाइसक्यौ
माटाको स्वाधीनता विदेशीको पाउमा चढाइसक्यौ ।

लेखक परिचय

तीर्थ निरौला एक सफल चित्रकारका साथै कडा कला समीक्षकका रूपमा समेत चिनिनु हुन्छ । उहाँका चित्रकलाहरू देशमा मात्र नभएर विदेशमा समेत प्रदर्शित छन् ।

प्रतिक्रिया
Loading...