शिव पलाँस

गरा गरा पसिनाका दाना रोपिदिन्छु
जहाँ भेट्छु ढुङ्गो त्यहीँ देव खोपिदिन्छु
पाखुरीमै बाँच्छु , हात थाप्न जान्दिन म
नेपाली हुँ दुःखदेखि   भाग्न जान्दिन म
मेरो आफ्नै माटो छ दस नङ्ग्रा खियाउन
आफ्नै खोला , नदी छन् यो माटो भिजाउन
दयाको एक पात्र भई  बाँच्न जान्दिन म
नेपाली हुँ  दुःखदेखि भाग्न जान्दिन म
 दिन उज्यालो पारिदिने मेरो आफ्नै घाम छ
 रात उज्यालो पारिदिने मेरो आफ्नै जून छ
 स्वाभिमान बन्धकीमा राख्न जान्दिन म
 नेपाली हुँ दुःखदेखि   भाग्न   जान्दिन म  ।
अमेरिका
लेखकका अन्य सिर्जनाहरू पढ्न यहाँ क्लिक गर्नुहोस्...