साहस

हामीलाई थाह छ,
इतिहासको नापोमा कहाँनिर पर्छ यो समय भनेर
यसबेला दुनियाँमा के भइरहेछ, बुझ्दछौं हामी ।

साहसको समयले हाम्रो घडीको हात समात्नेछ
घुँडा टेक्ने छैन हाम्रो आँटले ।

अन्ना आख्मातोभा

कोही डराउँदैनौं गोलीमा थापिएर मर्न
कोही दुखित हुँदैनौं घरबारविहीन हुनपरे पनि…

र हामी तिमीलाई जोगाउनेछौं, ए महान रूस,
ए महान रसियन संसार, जे परेको गर्नेछौं हामी ।
बतासका तरङ्गजस्तै सुकिलो र उन्मुक्त बनाएर,
स्वतन्त्र गराउने छौँ, हामी तिमीलाई ।

दिनेछौं हाम्रा सन्तानलाई तिम्रो स्वामित्व
सधैँका लागि मुक्त गरेर तिमीलाई
दासताबाट !

सुमन पोखरेल