साहित्यपोस्ट
नेपाली भाषा र साहित्यको सम्पूर्ण पत्रिका

अन्ना आख्मातोभाको अनुवाद कविताः सबथोक

Chovar Blues Mobile Size

सबै खोसिएको छ, ठगिएको छ, बेचिएको छ,
कालो मृत्युको कालै पखेटा फिँजिएको छ टाउकामाथि ।
सबैथोक खाइसकेको छ भोकले,
तै पनि आँखाअगाडि पर कतै
किन देखिँदैछ उज्यालो ?

अन्ना आख्मातोभा

बिहान हुने बित्तिक्कै
शहरछेउको जङ्गल, सास फेर्छ चेरीको;
चेरीको सुगन्धको ।
गर्मीको पारदर्शी गहिरो आकाशमा
रातैपिच्छे नयाँनयाँ ताराहरू छरिन्छन्‌ ।

एकदिन पक्कै हुनेछ कुनै चमत्कार
अँध्यारो र भत्किएकाको बीचबाट,
कुनै अज्ञात चमत्कार भएरै छाड्नेछ ।
किनभने,
पर्खिरहेछौँ
यसलाई हामी
स-साना केटाकेटी छँदादेखि ।

सुमन पोखरेल
प्रतिक्रिया
Loading...