सानो मान्छेले भन्यो, ‘कहिलेकाहीँ म चम्चा झार्छु, सम्हाल्नै सक्दिनँ ।’

ठूलो मान्छेले भन्यो, ‘म पनि त !’

सानो मान्छेले साउतीको भाषामा भन्यो, ‘थाहा छ ? कहिलेकाहीँ कट्टुमा सुसु त्यत्तिकै छिर्छ !’

‘म पनि त !’ ठूलो मान्छेले मुस्कुराउँदै भन्यो ।

‘कहिलेकाहीँ त म रोइदिन्छु,’ बच्चाले सुनायो ।

‘म पनि त ! तर एकान्तमा !’ वृद्ध मानिसले आँखा झिम्क्यायो ।

‘सबैभन्दा खराब त,’ बच्चोले भन्यो, ‘कहिलेकाहीँ घरमा मलाई ध्यानै दिँदैनन्, साह्रै चित्त दुख्छ ।’

वृद्धले सानो मानिसको हात मायाले सुम्सुम्यायो र भन्यो, ‘तिमीले भनेको कुरा म बुझ्न सक्छु बुझ्यौ ! किनभने मलाई पनि… ।’

शब्दः सेल सिल्भरस्टेन
चित्रः ह्युगो गेरहार्ड सिम्बर्ग