साहित्यपोस्ट
नेपाली भाषा र साहित्यको सम्पूर्ण पत्रिका

यसरी पनि जीवन बर्बाद हुन्छ…

Chovar Blues Mobile Size
अदालतमा निर्दोष घोषित गरिएपछि रूँदै आरोपी । छेउमा लेखिका गलत व्यक्तिले सजाय पाएकामा दुःखी हुँदै तर वास्तविक अपराधी अझै फरार रहेकामा आक्रोश व्यक्त

चर्चित उपन्यास द लभली बोन्सकी लेखिका एलिस सिबोल्डले सन् १९८१ मा आफू बलात्कृत भएको बताएकी थिइन् । बलात्कारका आरोपी थिए, एन्थोनी जे. ब्रोडवाटर । अदालतमा न्यायाधीशका सामु उनले सत्यबाहेक केही नबोल्ने बताउँदै एन्थोनीले नै आफूमाथि बलात्कार गरेको बयान दिएकी थिइन् ।

त्यसपछि एन्थोनी कम उमेरकी युवतीलाई बलात्कार गरेको आरोपमा सन् १९८१ मा जेल परे । हालै उनी निर्दोष भएको भन्दै उनलाई अदालतले रिहा गर्यो । सो अवसरमा स्वयं लेखिका पनि थिइन् । उनले आफू कलिलो उमेरमा यी गलत व्यक्तिलाई अपराधको भागी बनाउन पुगेकामा ग्वाँ ग्वाँ रोइन् । उनले भारी मनले माफीसमेत मागिन् ।

उता एन्थोनीले भने ती कलिली बालिकाको यसमा कुनै गल्ती नभएको र खासगरी उनलाई बलात्कार गर्ने काला जातिको भएको र अदालतमा आफू एक्लो काला जातिको व्यक्ति उभ्याइएकाले उनले आफूलाई नै त्यो व्यक्ति ठान्नु गलत नभएको प्रतिक्रिया दिएका थिए ।

सन् २००१ मा लेखिएको लभली बोन उपन्यासलाई सन् २००९ मा फिल्म निर्देशक पिटर ज्याक्सनले सोही नामको फिल्म बनाएका थिए । फिल्मले निकै राम्रो व्यापार गरेको थियो ।

पार्कमा बिहानको मोर्निंग वाकमा निस्किएकी एलिसलाई कुनै अपरिचित व्यक्तिले कुटपिट गर्दै बलात्कार गरेको थियो । उनले अदालतमा भनिन्, म बलात्कृत भएँ । मैले न्याय खोजेकी थिइनँ । यत्तिका वर्षपछि पनि न्याय पाइनँ ।

sagarmani mobile size

बलात्कृत भएको पाँच महिनापछि साइराकस युनिभर्सिटीका एक जना विद्यार्थीलाई एन्थोनी ब्रोडवाटरलाई आफूले गल्लीमा देखेको र ऊ नै आफ्नो बलात्कारी भएको हुनसक्ने बताएकी थिइन् । तर ब्रोडवाटरले जहिले पनि आफू निर्दोष भएको बताउँदै आएका थिए ।

ब्रोडवाटर बलात्कारी भएको दुई प्रमाण प्रहरीले पेश गरेको थियो । पहिलो बलात्कृत महिलाले बोलेको कुरा र दोस्रो चाहिँ फरेन्सिक विश्लेषण । यो विश्लेषण अचेल अदालतले प्रमाणको रुपमा मान्दैन ।

अदालतले ब्रोडवाटरसँग माफी माग्दै प्रहरीले देखाएको प्रमाणमा अनेकन् गल्तीहरु भएको हालको अध्ययनबाट देखिएको बताएको थियो ।

लेखिकाको आफू बलात्कृत भएको संस्मरण लक्कीमाथि एउटा फिल्म बनाउने उद्देश्यका साथ पछिल्लो समय काम भइरहेको थियो । फिल्मका एक जना निर्माताले जब यसमा फिल्म बनाउने कुरा अघि बढाए, मुख्य आरोपी र जेल जीवन बिताइरहेका ब्रोडवाटरसँग भेट गरे । यो भेटपछि संस्मरणमा समस्या भएको महसुस भयो ।

निर्माताले एक विज्ञप्ति जारी गर्दै भनेका छन्, लेखिकामाथि जे भयो, त्यो अकल्पनीय भयो । घटना घटेकामा कुनै शंका छैन तर जो वयmि त्यसमा फँस्यो, त्यो गलत थियो भन्ने प्रस्ट देखियो । फिल्म निर्माता तिमोथी मुसिनेटले आफ्नो गोजीको पैसा लगाएर एक जासुस डान मायरलाई अनुसन्धानका लागि लगाएका थिए । डानले सन् १९८२ का बेला यो घटनामा अनुसन्धानमा भाग पनि लिएका थिए ।

निर्माताको भनाइ थियो, ब्रोडवाटर यसअघि कुनै पनि अपराधमा संलग्न थिएनन् । उनी काला जातिको हुनु उनको अपराध बन्न पुग्यो । जेल परेयता एन्थोनीले आफ्नो यस घटनामा संलग्नता रहेको विषयमा जे गर्न सक्थे, जति पैसा खर्च गर्न सक्थे सबै लगाएका थिए ।

यो घटनामा सबैभन्दा अप्ठेरो चाहिँ आफूले पत्नीलाई बलात्कारी नभएको विश्वास दिलाउन नसक्नु रहेको ब्रोडवाटरले बताएका छन् । उनले भने, मैले यो घटनाका कारण सबैथोक गुमाएँ । मैले मेरी पत्नीलाई आफू बलात्कारी नभएको विश्वास दिलाउन सकिनँ । मेरी पत्नी छोराछोरी जन्माउन चाहन्थी । यो घटनाका कारण मैले सन्तान उपहारका रुपमा दिन सकिनँ ।

ब्रोडवाटर अदालतबाट रिहा भइसकेपछि लेखिका सिबोल्डको संस्मरणमाथि फिल्म नबन्ने पक्का भएको भेराइटी पत्रिकाले जनाएको छ ।

 

लेखक परिचय

The Times is a British daily national newspaper based in London. It began in 1785 under the title The Daily Universal Register, adopting its current name on 1 January 1788. The Times and its sister paper The Sunday Times (founded in 1821) are published by Times Newspapers, since 1981 a subsidiary of News UK, in turn wholly owned by News Corp. The Times and The Sunday Times, which do not share editorial staff, were founded independently, and have only had common ownership since 1966.

प्रतिक्रिया
Loading...