साहित्यपोस्ट
नेपाली भाषा र साहित्यको सम्पूर्ण पत्रिका
Sahityapost Book

डेभिडको नग्नता छोप्दा विवाद

Chovar Blues Mobile Size

प्रख्यात चित्रकार तथा मूर्तिकार माइकेलेन्जेलोले बनाएको डेभिड शीर्षकको मूर्तिकला संसारभरि नै प्रख्यात छ । सो मूर्तिकला हेर्न संसारकै चासो रहन्छ । यस पटक दुबईमा गरिएको मूर्तिकला प्रदर्शनीमा डेभिडले सनसनी मच्चायो । यसको कारण थियो, सो मूर्तिलाई माथि र तलको भाग मात्र प्रदर्शनीमा राख्नु । यसको बीचको अर्थात् गोप्य अंग भने नदेखिने गरी राखिएको थियो । र, सोही कारण यो प्रदर्शनीमा मूर्ति विवादित बन्न पुग्यो ।

प्रदर्शनीका आयोजकहरूले भने यसो गर्नुको कारण मुस्लिम संस्कृतिले कतै यसलाई नराम्रो नठानोस् भनी लिङ्ग देखिएको भाग छोप्न नयाँ शैली अपनाइएको बताएका छन् ।

इटालेली दैनिक अखबार ला रिपब्लिकाका अनुसार, १७ फुट अग्लो सो मूर्ति सिधासिधा प्रदर्शनीमा राख्नुभन्दा यसलाई दुई तल्लाको सिँढी बनाइयो । यसो गरेपछि अवलोकनकर्ताले कि त डेभिडको अनुहारको भाग हेर्न सक्छन् कि त गोडाको भाग । झट्ट हेर्दा कम्मरको भाग छोपिएको देखिन्छ ।

प्रदर्शनी थलोमा छिर्नेबित्तिकै देखिने सो मूर्तिको लिङ्गमा झट्टै आँखा नपरोस् र मुस्लिम युवायुवतीले मुसुमुसु हाँस्न नथालून् भन्ने उद्देश्यले यसो गरिएको प्रदर्शनी केन्द्रले जनाएको छ ।

अर्कोतर्फ कसैलाई डेभिडको लिङ्ग हेर्ने चासो नै भयो भने पनि निहुरिएर त्यसैका लागि मिहिनेत गर्नुपर्ने हुन्छ । फेरि त्यसो गर्न सर्वसाधारणले भने पाउने छैनन् । त्यो देखिने ठाउँमा जान प्रदर्शनी हलका अधिकारी तथा आयोजकलाई मात्र छुट छ ।

यो प्रदर्शनीमा दुबई सरकारले किन यत्रो लगानी गरिरहेको छ त ? महामारीले दुबईको पर्यटन उद्योग ध्वस्त भएको छ । यस्ता प्रदर्शनीले यसलाई उकास्न मद्दत गर्ने अपेक्षाका साथ यो प्रदर्शनी गरिएको आयोजकको भनाइ छ ।

यो प्रदर्शनी ६ महिनासम्म चल्नेछ । यो प्रोजेक्टमा संलग्न एक व्यक्तिका अनुसार, मुस्लिम देशमा एउटा नग्न मूर्ति ल्याउनु गल्ती थियो भन्ने कुरा धेरैपछि मात्र महसुस गरिएकाले यसलाई कम क्षति गर्न यो उपाय अपनाइएको हो ।

माइकलेन्जेलोले सन् १५०४ मा डेभिडको मूर्ति बनाएका थिए । डेभिडले जब रोमन सेनापति गोलिथसँग युद्ध गर्ने निधो गर्छ, सोही क्षणको निर्णयात्मक भाव यस मूर्तिमा अभिव्यक्त गरिएको छ । डेभिड र गोलिथको कथा बाइबलका सबैभन्दा प्रभावशाली कथामध्ये एक मानिन्छ ।

यो मूर्ति त्यो बेला फ्लोरेन्स गणराज्यको शानका रूपमा गनिन्थ्यो । माइकेलेन्जेलोले यसलाई फ्लोरेन्सको पिएज्जा डेला सिग्नोरियामा राखेका थिए । पछि सन् १८७३ मा यसलाई सारेर फ्लोरेन्स एकेडेमी अफ फाइन आर्टमा राखियो ताकि आँधि, हुरी, पानी र घामबाट जोगाउन सकियोस् ।

फ्लोरेन्समा अझै पनि यो सबैभन्दा रूचाइएको पर्यटकीय थलोमध्येमा गनिन्छ ।

डेभिडको मूर्तिको लिङ्ग कतिसम्म लोकप्रिय छ भने यहाँका प्रायः पोस्टकार्डमा विभिन्न कोणबाट खिचिएका लिङ्गका पोस्टकार्डहरू निकै ठूलो माग हुने गरेको छ ।

बेलायतकी महारानी भिक्टोरियालाई एक पटक यो मूर्ति यति मन पर्यो कि उनको निजी संकलनका लागि भनेर एउटा डेभिडको नक्कली मूर्ति बनाइएको थियो र उनी जब त्यो मूर्ति हेर्न भनेर गएकी थिइन्, डेभिडको लिङ्ग देखेर हाँसेकी थिइन् ।

त्यसयता डेभिडको लिङ्गको भाग निकाल्न र पुनः राख्न मिल्ने गरी बनाइएको थियो । हालसम्म पनि भिक्टोरिया एन्ड अल्बर्ट म्युजियममा सो डेभिडको मूर्ति देख्न पाइन्छ ।

यता दुबईमा लिङ्ग छोपिने गरी मूर्ति प्रदर्शनीमा राखेकामा भने इटालेली कला समीक्षक भिटोरियो स्गार्बीलाई चित्त बुझेको छैन । यस्तो गर्नु मूर्खता भएको उनले इटालेली अखबारमा टिप्पणी गरेका छन् ।

‘यो बाइबलको एउटा थिम हो, कुनै यौन आसनमाथि बनाइएको अश्लील मूर्ति होइन,’ उनले भनेका छन्, ‘त्यसैले माइकेलेएन्जेलोले बनाएको मास्टरपिसको एउटा भाग नै छोपिनु कलाको अपमान हो र कला कुनै धर्म र संस्कृति भन्दा माथि हुन्छ भन्ने बुझ्नुपर्छ ।’

विवादपछि डेभिडको लिङ्ग छोप्नुमा सरकार वा अन्य कसैको दवाव नभएको प्रदर्शनीका निर्देशक डेभिड राम्पेलोले बताएका छन् ।

नग्न भाग छोपिएको अर्थमा मात्रै नहेरी यसलाई पेभिलियनमा छिर्नेबित्तिकै डेभिडले जसरी दर्शकहरूलाई स्वागत गर्छ, त्यो अनुभव अद्भुत हुने गरेको राम्पेलोको दाबी छ ।

माइकेलेन्जेलोको यो डेभिडको ठ्याक्कै नक्कल गर्न लेजर स्क्यान गरिएको थियो । त्यसपछि संसारकै ठूलो थ्रिडी प्रिन्टरको सहयोगले यसलाई प्रिन्ट गरिएको थियो । यो थ्रिडी प्रिन्टले इटालीको विज्ञतालाई संसारसामु पुर्याउने अपेक्षा राम्पेलोको छ ।

प्रदर्शनीका आयोजकहरूले भने डेभिडको विवादलाई चियाकपको तुफान भन्दै लिङ्गको भाग छोप्नु सही निर्णय भएको बताएका छन् ।

लेखक परिचय

The Times is a British daily national newspaper based in London. It began in 1785 under the title The Daily Universal Register, adopting its current name on 1 January 1788. The Times and its sister paper The Sunday Times (founded in 1821) are published by Times Newspapers, since 1981 a subsidiary of News UK, in turn wholly owned by News Corp. The Times and The Sunday Times, which do not share editorial staff, were founded independently, and have only had common ownership since 1966.

प्रतिक्रिया
Loading...