साहित्यपोस्ट
नेपाली भाषा र साहित्यको सम्पूर्ण पत्रिका

रोगलाई जितेर पुरस्कार हात पार्ने लेखिका

Chovar Blues Mobile Size

सुसाना क्लार्कको पुरस्कृत उपन्यास पिरानेसी

मान्छेलाई रोगले कति अशक्त बनाउँछ भन्ने कुरा सुसाना क्लार्कलाई जति कसलाई पो थाहा होला !

अथवा नेपालमै बुझ्ने हो भने आफ्नो अशक्तताले कहिलेकाहीँ कत्तिको दुखाउँछ भन्ने कुरा झमक घिमिरेले पनि बताउन सक्लिान् ।

तर यसपाला लेखिका सुसाना क्लार्कले आफ्ना सारा पीडा भुलिन् ।

सुसाना क्लार्क
sagarmani mobile size

महिला लेखकहरुलाई हौस्याउने उद्देश्यका साथ स्थापना गरिएको विमेन्स अवार्ड इन फिक्सन यस वर्ष सुसाना क्लार्कले जितेकी छन् । उनको उपन्यास ‘पिरानेसी’मार्फत उनले यो पुरस्कार हात पारेकी हुन् ।

१७ वर्षअघि उनले ‘जोनाथन स्ट्रेन्ज एन्ड मि. नोरेल’ उपन्यास लेखेकी थिइन् । यो उपन्यास त्यो बेला बेलायतमा बेस्टसेलर साबित भएको थियो ।

तर उपन्यासको सफलता मनाउन भने उनले पाइनन् । उनलाई एक किसिमको मस्तिष्कसम्बन्धी रोग लाग्यो, क्रोनिक फेटिग सिन्ड्रोम । यो रोगको उपचार छैन । यो रोगले उनलाई यति थकायो कि उनले केही गर्नै सकिनन् । उपचार नभएका कारण उनले प्रचलित थेरापीहरु लिएर हिँडडुल गर्न सक्ने भइन् । यसैबीच पीडा कम भएको अवस्थामा उनले पिरानेसी उपन्यास लेखेकी थिइन् ।

अघिल्लो उपन्यासकै दोस्रो भागका रुपमा यो उपन्यास आएको छ र यो निकै गहन उपन्यास भएको विमेन्स प्राइज फर फिक्सनका पुरस्कारदाताले घोषणा गरेका छन् ।

हाल ६१ वर्षकी क्लार्कको पहिलो उपन्यास सन् २००४ मा निस्किएयता चालीस लाख प्रति बिक्री भइसकेको छ ।

उनी बिरामी भइसकेपछि उनले एक वाक्य लेख्न सकेकी थिइनन् ।

सन् २०१५ मा उनलाई बिबिसीले किताबमाथि चर्चा गर्न बोलायो । त्यहाँ उनले राम्रै जवाफ दिन सकिन् । यसपछि मात्र उनलाई अर्को उपन्यास लेख्नुपर्ला भन्ने लाग्यो ।

उनको अथक प्रयासपछि ‘पिरानेसी’ जन्मिएको हो । गएको वर्ष निस्किएको यो उपन्यास पढिसकेपछि लामो समयसम्म मानिसलाई घच्घच्याउन सफल रहेको समीक्षकहरुले त्यो बेला नै टिप्पणी गरेका छन् ।

पुरस्कार वितरण समारोहमा उनलाई ३० हजार पाउन्ड दिइएको थियो । बुकर पुरस्कार विजेता बर्नार्डिनो एभारिस्टोले उनलाई पुरस्कार हस्तान्तरण गर्दै भनेकी थिइन्, ‘यस्तो घातक बिरामी भइकन पनि उनले जुन उपन्यास लेखिन् र जसरी प्रभावशाली तरिकाले आफ्ना भावना उजागर गरिन्, त्यसले हामीलाई मानव हुनुको गर्व महसुस गराउँछ । अरु जनावरले यस्तो अभिव्यक्ति यसरी शायदै गर्लान् !’

लामो अवधिमा निस्किएका उपन्यास

१७ वर्षअघि लेखिएको उपन्यासपछि अर्को उपन्यास लेख्ने क्लार्क मात्र एक लेखिका होइनन् । उनीबाहेक अन्य लेखकले पनि लामो अवधिमा उपन्यास बजारमा ल्याएका थिए ।

यो सूचीमा सबैभन्दा माथि हार्पर लीको नाम आउँछ । उनले टु किल अ मोकिङ बर्ड सन् १९६० मा निकालेकी थिइन् । उनको मृत्युअघि सन् २०१५ मा ८९ वर्षको उमेरमा दोस्रो उपन्यास गो सेट अ वाचम्यान निकालेकी थिइन् । यो पहिलो उपन्यासको दोस्रो भाग हो ।

त्यस्तै काओलिन हग्सको ‘द वाइल्ड लाफ्टर’लाई पनि यो सूचीमा राख्न सकिन्छ । सन् १९९० को दशकमा दोस्रो उपन्यास लेख्न कति कठिन छ र लामो समयावधिमा बल्लतल्ल बजारमा आएका दोस्रो उपन्यासलाई यो पुरस्कार दिने गरिन्छ । त्यसो त काओलिनलाई भने यो उपन्यास लेख्न तीन वर्ष मात्र लागेको थियो । सुजाना क्लार्कको उपन्यास पिरानेसी भने यो अवार्डको छोटो सूचीमा परेको थियो ।

मेरिलिन रबिन्सनन्सको पहिलो उपन्यास हाउकिपिङ सन् १९८० मा प्रकाशित भएको थियो । यो त्यो बेला निकै सफल उपन्यास थियो । उनको दोस्रो उपन्यास गिलिड सन् २००४ मा मात्र बजारमा आएको थियो ।

जेडी स्मिथको पहिलो उपन्यास ह्वाइट टिथ ज्यादै सफल उपन्यास थियो तर सोही उपन्यासको दोस्रो भागका रुपमा आएको द अटोग्राफ म्यान उपन्यासलाई भने पाठकले उति रुचाएनन् । हुन पनि दोस्रो पुस्तक आउन लगभग एक दशक नै लागेको थियो । उनको तेस्रो उपन्यास ‘द सेक्रेट हिस्ट्री’ बजारमा आउन पनि ठ्याक्कै एक दशक लागेको थियो ।

लेखक परिचय

The Times is a British daily national newspaper based in London. It began in 1785 under the title The Daily Universal Register, adopting its current name on 1 January 1788. The Times and its sister paper The Sunday Times (founded in 1821) are published by Times Newspapers, since 1981 a subsidiary of News UK, in turn wholly owned by News Corp. The Times and The Sunday Times, which do not share editorial staff, were founded independently, and have only had common ownership since 1966.

प्रतिक्रिया
Loading...