साहित्यपोस्ट
नेपाली भाषा र साहित्यको सम्पूर्ण पत्रिका

राजकुमार ह्यारीका लागि चार करोड डलर तिर्दै प्रकाशक

Chovar Blues Mobile Size

राजकुमार ह्यारीले चार पुस्तकका लागि २९ मिलियन पाउन्ड (लगभग चार करोड डलर) पाउने भएका छन् ।

ती चार पुस्तकमध्ये एउटा पुस्तक भने तयार भइसकेको छ । अर्को एक पुस्तक भने महारानी एलिजाबेथ द्वितीयाको निधनपछि मात्र प्रकाशन हुने बताइएको छ ।

तेस्रो पुस्तक राजकुमार ह्यारीकी पत्नी मेगन मर्केलले ‘वेलनेस’ (स्वस्थ जीवनशैली)माथि लेख्ने तय भएको छ । चौथो पुस्तकका बारे भने कुनै नयाँ जानकारी चुहाइएको छैन ।

३६ वर्षे राजकुमारको पहिलो पुस्तक तयार हुन झण्डै एक वर्ष लाग्यो । यसका लागि उनले पुरस्कार विजेता गोस्टराइटर जेआर मोएरिङ्गरसँग काम गरिरहेका थिए ।

‘यो आत्मकथा मैले राजकुमारका रूपमा लिएको जन्मका रूपमा होइन, म मानिस कसरी बनेँ भन्ने विषयमा हो,’ ह्यारीले भनेका छन्, ‘मैले यत्तिका वर्षमा विभिन्न किसिमको भूमिका निभाएँ । ती भूमिकामा मेरो उन्नति र अवनतिका दिन, मेरा गल्ती र कमजोरी तथा यसबाट मैले सिकेका पाठहरूका बारेमा उल्लेख हुनेछ ।’

sagarmani mobile size

ह्यारीले आफू राजकुमार भए पनि अरू सामान्य मानिसभन्दा कुनै फरक नभएको समेत उल्लेख गरेका छन् ।

अमेरिकाको क्यालिफोर्नियास्थित मोन्टेसिटोमा सुविधासम्पन्न घर किनेर बसिरहेका उनले आफ्नो पहिलो पुस्तक डाक बढाबढमा राखेका थिए । शुरूवाती मूल्य नै उनले १ करोड १० लाख तोकेका थिए ।

यसअघि यो घर किन्नका लागि उनले नेटफ्लिक्सका लागि डकुमेन्ट्री बनाउने सम्झौता गरेका थिए । यस्तै स्पोटिफाई नामक अडियो स्ट्रिमिङ कम्पनीसँग पनि उनले मोटो रकम लिएका थिए ।

ह्यारीका पुस्तकहरू प्रकाशन गर्न भनेर बेलायतबाट दुई प्रकाशक उनलाई भेट्न गएका थिए । अन्यसँग भने उनले भिडियो कलमार्फत् डाक बढाबढको काम हेरेका थिए । उनले आफ्नो पुस्तक कम्तीमा पनि १ करोड ८० लाखमा बिक्री गर्न चाहेका भए पनि डाक बढाबढमा कुरा मिल्न सकेन ।

अन्ततः पेइन्गुइन रेन्डम हाउस प्रकाशकले यो डाक बढाबढमा हात माथि पारेको थियो । ह्यारीको पुस्तक आउँदो वर्ष बजारमा आउने अपेक्षा गरिएको छ ।

पुस्तकबाट आएको केही रकम भने राजकुमार ह्यारीको समाजसेवी संस्थालाई दान दिइनेछ भने सो संस्थाले विभिन्न सामाजिक कार्य गर्ने बताइएको छ ।

यही पहिलो पुस्तकको दोस्रो भाग दरबारमा भएको तिक्ततापूर्ण सम्बन्धका बारेमा लेखिने भएकाले र त्यो आफ्नी हजुरआमाका लागि पीडादायी पठन हुनसक्ने भएकाले उनले एलिजाबेथको निधनसम्म दोस्रो पुस्तक ननिकाल्न सम्झौता गरेको बताइएको छ ।

यसअघि नै मेघन मर्केलको बालपुस्तक द बेन्च बजारमा आइसकेको छ । पुस्तकले न्यु योर्क टाइम्स बेस्टसेलरको सूचीमा स्थान ओगटिसकेको छ ।

यस हिसाबले पनि ह्यारीको सन् २०२२ मा निस्कने पुस्तक बेस्ट सेलर हुने लोभका कारण थप पुस्तकहरू लेख्ने शर्तमा चार करोड डलर तिर्न प्रकाशक राजी भएको बताइएको छ ।

किताबको डाक बढाबढमा भाग लिएकाहरूले राजकुमार ह्यारी पैसाको मामिलामा निकै कडा देखिएको र लिने भए लेऊ नत्र बाटो तताऊ शैलीमा प्रस्तुत भएको बताए ।

लेखक परिचय

The Times is a British daily national newspaper based in London. It began in 1785 under the title The Daily Universal Register, adopting its current name on 1 January 1788. The Times and its sister paper The Sunday Times (founded in 1821) are published by Times Newspapers, since 1981 a subsidiary of News UK, in turn wholly owned by News Corp. The Times and The Sunday Times, which do not share editorial staff, were founded independently, and have only had common ownership since 1966.

प्रतिक्रिया
Loading...