चुट्न सक्छ तर्दातर्दै ,
झर्नसक्छ अनायास सिङ्गो ज्यान
बेगमय भेलमा ,
हल्लिन्छ ,रिंगटा लाग्छ
जिन्दगी झोलुङ्गे पुल न हो ।
रोमाञ्च र भयको फ्युजन
जन्म र मृत्युको किनार जोडेर
तन्किएको एक लहरो
दु:ख र सुखको अर्को लठ्ठो माथी
विश्वास र सन्देहका पाइला
पालोपालो चाल्दै नियतिको
गन्तव्य भेट्नु छ ।
संस्कारका सुरक्षा बार
सहारा बनाउनु छ

निरन्तर यात्राका लागि !

कोहलपुर -४ ,बाँके ।
लेखकका अन्य सिर्जनाहरू पढ्न यहाँ क्लिक गर्नुहोस्...