इतिहासप्रति रूचि जगाउने आख्यानात्मक कृतिहरूलाई प्रेरित गर्न स्थापना गरिएको वाल्टर स्कट प्राइजले २०२३ का लागि सर्वोत्कृष्ट कृतिहरूको छोटो सूची जारी गरेको छ ।

स्कटल्यान्डका इतिहासकारका साथै साहित्यकारका रूपमा समेत पहिचान बनाएका सर वाल्टर स्कटको सम्मानमा यो पुरस्कार स्थापना गरिएको हो ।

यस पटकको छोटो सूचीमा लुसी काल्डवेलको दिज डेज्, एड्रियन डन्कनको द जियोमिटर लेबाचेभ्स्की, रोबर्ट ह्यारिसको एक्ट अफ अब्लिभियन, एलिजाबेथ लोरीको द चोजन, फियोना म्याकफार्लेनको द वाक्स डाउन, सिमोन मावेरको एन्सेस्ट्री र देविका पोन्नामबलमको आम् नट योर इभ् उपन्यास छनोटमा परेका छन् ।