डम्बर बिकेल

आजभोलि के भो मलाई गुडुगुडूँ लाग्छ
पुतलीको पंख चोरी भुरभुर उडूँ लाग्छ

उसले हेरेदेखि मायाले बेरेदेखि
हाम्रो सम्बन्धमा दुनियाँले केरेदेखि
पिरतीको आगोमा त्यसैत्यसै सल्कूँ लाग्छ
चन्द्रमाको ज्योति चोरी टलटल टल्कूँ लाग्छ

कोही त आएपछि पिरती लाएपछि
हामी दुईको गीत दुनियाँले गाएपछि
पराईलाई आफ्नो त्यसैत्यसै भनूँ लाग्छ
गुलाबको बास्ना चोरी मगमग बनूँ लाग्छ