एएनएको वार्षिक उत्सवको  अवसर पारेर आगामी जुलाई ३ मा अमेरिकाव्यापी खुल्ला कविता प्रतियोगिता हुने भएको छ । अनेसासको सह-आयोजनामा हुने उक्त प्रतियोगिताको संयोजकको जिम्मा अनेसासका वरिष्ठ उपाध्यक्ष गोवर्द्धन पूजालाई दिइएको छ ।

उत्तर अमेरिकामा बसोबास गरिरहेका कविहरूलाई दुई सय शब्दसम्मको समसामयिक विषयमा लेखिएको कविता जुन २८ सम्ममा पठाउन अनुरोध गरिएको छ । संयोजक पूजाका अनुसार प्रतियोगितालाई पारदर्शी बनाउन उत्तर अमेरिकाकै तीन जना निर्णायकलाई छनोट गरी वाचनका लागि उत्कृष्ट दश कविको नाम सार्वजनिक गरिने छ ।

प्रतियोगितामा प्रथम, द्वितीय र तृतीय हुने कविलाई क्रमशः तीन सय, दुई सय र एक सय अमेरिकी डलर पुरस्कार प्रदान गरिने छ ।