गैर आवासीय नेपाली सङ्घ (एनआरएनए) र अन्ताराष्ट्रिय नेपाली साहित्य समाज (अनेसास) ले संयुक्त रूपमा पहिलोपटक यस्तो साहित्यिक प्रतियोगिता आयोजना गरेका हुन् । प्रतियोगितामा १९ वर्षभन्दा कम उमेरका नेपाली मूलका युवायुवती सहभागी हुनेछन्  । यस प्रतियोगितामा नेपाली भाषाको कवितामा पहिलो हुने एक जनालाई एक हजार डलरको पुरस्कार प्रदान गरिनेछ ।

यसैगरी दोस्रो हुनेलाई पाँच सय डलर र तेस्रोलाई तीन सय डलर पुरस्कार प्रदान गरिनेछ भने उत्कृष्ट अङ्ग्रेजी कवितालाई दुई सय डलर पुरस्कार प्रदान गरिनेछ ।

प्रतियोगिता आयोजनाका लागि एनआरएनएको भाषा, साहित्य, संस्कृति तथा सम्पदा प्रवर्द्धन समिति र अनेसासले अनेसासका महासचिव एवं एनआरएनए अमेरिकाका उपाध्यक्ष  सर्वज्ञ वाग्लेको संयोजकत्वमा विशेष समिति गठन गरिएको थियो ।  समितिले  सार्वजनिक सूचना आह्वन गरी प्रतियोगितामा सहभागिताका लागि युवा सर्जकहरूलाई कविता माग गरेको थियो।