कवि तथा गीतकार महेश्वर शर्माको रचनामा रहेको गीत “जादू” सार्वजनिक भएको छ। कविता र गीतमा कलम चलाउँदै आउनुभएका शर्माको यो दोस्रो गीत हो। रुपन्देहीको देवदहमा स्थायी बसोबास गर्ने शर्मा हाल अष्ट्रेलियाको सिड्नीमा बस्नु हुन्छ । नेपाली साहित्यमा कलम चलाउँदै आउनुभएका शर्माको यसअघि “मुटुभरि देश बोकी” बोलको राष्ट्रगीत आइसकेको छ । उहाँको एउटा कविता संग्रह “प्रवासका जूनहरु” समेत प्रकाशित छ।

अन्तर्राष्ट्रिय नेपाली साहित्य समाजका केन्द्रीय सदस्यसमेत रहनुभएका शर्माले डायस्पोरिक साहित्यमा आफ्नो बलियो स्थान बनाउनु भएको छ ।

“जादू” गीतमा चर्चित गायक राजेश पायल राई तथा चर्चित गायिका मेलिना राईको स्वर रहेको छ भने आनन्द राईको संगीत रहेको छ। यसैगरी संगीत संयोजन महाराज थापाको रहेको छ।

म्युजिक भिडियोमा भने कलाकारहरु पुष्प खड्का र एलिशा राईको अभिनय रहेको छ।

[embedyt] https://www.youtube.com/watch?v=sVxIHVuyOfk[/embedyt]