नेपाली साहित्य समाज क्याल्गरी, क्यानाडाले ‘अन्तर्राष्ट्रिय नेपाली लघुकथा प्रतियोगिता-२०७७’ आयोजना गर्ने भएको छ ।

अन्तर्राष्ट्रिय नेपाली लघुकथा प्रतियोगिता-२०७७ मा पठाइने लघुकथाहरू अन्तकतै नछापिएको हुनुपर्ने, शब्दसीमा बढीमा ३०० को आसपास हुनुपर्ने, लघुकथा प्रतियोगितामा प्रथम, दोस्रो र तेस्रो हुनेलाई क्रमशः नेरु २०,०००, १५,०००, र १०,००० साथमा प्रमाण पत्र वितरण गरिने आयोजकद्वारा जारी विज्ञप्तिमा जनाइएको छ ।

लघुकथा आगामी २०७७ साल फागुन मसान्तसम्म अर्थात २०२१ मार्च १३ सम्ममा नेपाली साहित्य समाजको ईमेल ठेगाना nlsccalgary@gmail.com मा आउनुपर्ने जनाइएको छ। प्रतियोगिताको नतिजा २०७७ साल चैत्र ३१ अर्थात २०२१ अप्रिल १३ को दिन प्रकाशित गरिनेछ।

लघुकथा प्रतियोगितामा समावेश कथाहरुको संग्रहसमेत प्रकाशन गरिने जनाइएको छ ।