नेपाली साहित्यको सम्पूर्ण पत्रिका

प्रधानसम्पादक

अश्विनी कोइराला

२०५४ सालदेखि पत्रकारिता र साहित्य दुबैमा कलम चलाउन थालेका कोइरालासँग २५ वर्ष लामो पत्रकारिताको अनुभव छ । उनले कान्तिपुर पब्लिकेसन्सको ‘साप्ताहिक‘ र ‘नारी’ पत्रिकामा विभिन्न पदमा रहेर २० वर्ष काम गरे । विराटगनरबाट प्रकाशित हुने साप्ताहिक पत्रिका ‘विराटनेसनल टाइम्स’बाट पत्रकारिता सुरु गरेका कोइरालाका उनी, जुकरबर्ग क्याफे, प्रेमालय र पारिजात गरि चारवटा कृति प्रकाशित छन् । पछिल्लो समय उनी अनलाइनखबर डट कममा दुई वर्ष साहित्य विभागका प्रमुख थिए ।

नेपाली साहित्यमा स्नातकोत्तर कोइराला युवा पुस्ताका लोकप्रिय लेखक पनि हुन् ।

संयोजक

गणेश कार्की

अनलाइन मार्केटिङ तथा ब्लगिङमा विशेष रुचि राख्ने कार्कीले २००८ देखि ब्लगिङ गरिरहेका छन् । वातावरण विज्ञानमा स्नातकोत्तर गरेका कार्कीले विद्यार्थी जीवनमा तीन वटा हवाइ पत्रिकाको सम्पादन गरेका थिए । पानीफोटो डट कममा उनले निकै लामो समय देखि ब्लगिङ गर्ने गरिरहेका छन् । साहित्यमा विशेष रुचि राख्ने कार्की बूकाहोलिक्समार्फत साहित्य र पठन संस्कृतिका लागि क्रियाशील छन् ।

अन्तर्राष्ट्रिय संयोजक

सर्वज्ञ वाग्ले

अमेरिकामा रहेर पनि प्रत्येक दुई वर्षमा पुस्तक प्रकाशन गरिरहेका वाग्ले गैरआवासीय नेपालीको भाषा, साहित्य, संस्कृति र सम्पदा विभागकामा सन् २०१७ देखिका कार्यकारी सदस्य हुन् । उनका जुवाघर (हाँस्यव्यङ्ग्य) क्यासिनो (कथा संग्रह) युधिष्ठिर (कथा संग्रह) साँढे (हाँस्यव्यङ्ग्य) र पुनर्वास (उपन्यास) पुस्तकहरु प्रकाशित छन् । गैरआवासीय नेपाली संघ अमेरिकाका उपाध्यक्ष रहेका वाग्ले पुर्नवास उपन्यासबाट चर्चामा आएका हुन् । उनी अमेरिकामा सामाजिक अभियन्ता र पत्रकारका रुपमा पनि उत्तिकै सक्रिय छन् । वाग्ले अनेसास नर्दन क्यालिफोर्निया च्याप्टरका अध्यक्ष हुन्।

विशेष संवाददाता

कृष्ण ढुंगेल

लेखन र पत्रकारितामा दुबैमा दख्खल राख्ने कृष्णको मिराज उपन्यास प्रकाशित छ । उनी एभरेस्टटक डट कमका संयोजक हुन् । साहित्यमा विशेष रुची राख्ने ढुंगोल साहित्यपोस्टलाई विशेष समय दिन्छन् ।

अमेरिका संयोजक

तेज विनोद

पेशाले सप्टवेयर इन्जिनियर विनोद पौडेल साहित्यमा तेज विनोदका रुपमा प्रख्यात छन् । अमेरिकाको क्यालिफोर्नियामा बसोवास गर्ने तेज विनोद लेखक, पत्रकार र सामाजिक अभियन्ता पनि हुन् । उनी विनोदका अक्षर स्तम्भमा देश दुनियाका विषयमा छोटो मिठो लेख लेखिरहन्छन् ।

बेलायत संयोजक

डा. संगीता स्वेच्छा

वातावरण सञ्चारमा विद्यावारिधि गरे पनि संगीताको साहित्यप्रतिको रुचि पुरानो हो । विद्यालय उमेरदेखि नै उनी कथा, कविता र गजल लेख्ने गर्थिन् । रेडियो नेपाल र नेपाल टेलिभिजनका साहित्यिक कार्यक्रममा गएर कविता वाचन गर्नु उनको मुख्य धोको हुने गर्दथ्यो ।

पढाइमा सधै उत्कृष्ट हुने संगीताले नेपाल विद्याभूषण–२०१४ तथा महेन्द्र विद्याभूषण २००० को सम्मान प्राप्त गरेकी थिइन् । केही वर्ष यता बेलायतमा बसोवास गरिरहेकी स्वेच्छा अन्तर्राष्ट्रिय नेपाली साहित्य समाजकी आजीवन सदस्य र नेपाली साहित्य विकास परिषद् युकेकी सह–उपहासचिवका रुपमा कार्यरत छिन् ।

उनका पखालिएको सिउँदो (उपन्यास) गुलाबसँगको प्रेम (कथा सङ्ग्रह) र असहमतिका पाइला (संयुक्त कथा संग्रह) प्रकाशित छन् ।

न्युजिल्याण्ड संयोजक

सञ्जय शान्ति सुवेदी

२०५५ सालदेखि साहित्य लेखन सुरु गरेका सञ्जय शान्ति हाल नेपाली साहित्य समाज न्युजिल्याण्डका अध्यक्ष छन् । उनी गैरआवासीय नेपाली संघको भाषा, साहित्य, संस्कृति तथा सम्पदा प्रवद्र्धन समितिका सदस्य पनि हुन् । पोखरामा जन्मिएका उनले भौतिकशास्त्रमा स्नातक एवं वजारशास्त्रमा स्नातकोत्तर गरेका छन् ।

नेपालमा छँदा पत्रपत्रिकाको सम्पादन गर्ने उनको रुचि भने कविता र कथामा छ ।

म्यानमार (बर्मा) संयोजक

ज्ञानबहादुर थापा बगाले

२०२५ सालमा मोगोक, बर्मामा जन्मिएका ज्ञानबहादुर थापा सार्वजनिक जीवनमा बगाले थापाका रुपमा चीरपरिचित छन् । उनी कथा, कविता, निबन्ध र हाँस्यव्यङ्ग्यमा कलम चलाउँछन् । थापा केन्द्रीय म्यान्मा गोर्खा संघ केन्द्रीय शिक्षा विभाग प्रमुख हुन् । उनका नाताभित्रका लुकेका कथाहरु, मान्छे न.२०९, रित्तो आकाश, भ्रम र यथार्थ र बगालेका हाँस्यव्यङ्ग्य निबन्धहरु प्रकाशित छन् । बगाले नेपाली बाहेक म्यान्मा भाषामा पनि नियमित लेखिरहन्छन् ।

एरावती पत्रिकाका सम्पादक वगालेले दर्जनौ सम्मान पनि प्राप्त गरेका छन् । बर्मामा नेपाली भाषा बचाउका उनी प्रमुख अभियन्ता मध्ये एक हुन् ।

साउदी अरब प्रतिनिधि

सन्तोष समीप

इलामका स्थायी बासिन्दा सन्तोष लुइटेल साहित्यमा सन्तोष समीपका रुमपा प्रशिद्ध छन् । विद्यालयको अध्ययन ताका २०५६ देखि ने गीत, गजल, मुक्तक लघुकथा लेख्न थालेका समीप हाल गीतकारका रुपमा बढि चिनिन्छन् । २०७४ सालमा भ्वाइस अफ नेपालको पहिलो सिजन विजेता विजय अधिकारीको श्वरमा आएको ‘माया ठूलो भन्नू मात्र’ उनको लोकप्रिय गीतमध्ये पर्दछ । उनी अन्तर्राष्ट्रिय नेपाली साहित्य समाजका साउदी च्याप्टरका उपाध्यक्ष हुन् । उनलाई ०५६७२८९५२१ भेट्न सकिन्छ ।

मध्यपूर्व संयोजक

नवराज लामिछाने

नेपालको नुवाकोटमा जन्मिएका नमराज लामिछानेको स्थायी बसोबास काठमाडौं हो । स्कुलदेखि नै गजल, मुक्तक र कवितामा कलम चलाइरहेका छामिछाने पछिल्लो समय अन्य विधामा पनि जमेका देखिन्छन् । विगत एक दशकदेखि साउदी अरबलाई कर्मथलो बनाएका लामिछानेले त्यस क्षेत्रमा साहित्यिक गतिविधि गरिरहेका छन् ।

अन्तर्राष्ट्रिय नेपाली साहित्य समाज साउदी अरबका च्याप्टर अध्यक्षका रुपमा उनका काम प्रसंसनीय छ । उनलाई ०५०८१०३२११ मा सम्पर्क गर्न सकिन्छ ।

जापान प्रतिनिधि

अरुण पौडेल

भरतपुर–२० का स्थायी वासिन्दा पौडेल २०६१ सालदेखि साहित्य लेखनमा सक्रिय छन् । उनका बाडुल्की र यादहरु (मुक्तक सङ्ग्रह—२०७२), स्टाटस सङ्ग्रह (२०७५) प्रकाशित छन् । उनी अन्तर्राष्ट्रिय नेपाली साहित्य समाजका आजीवन सदस्य, चितवन साहित्य परिषद् नेपालका आजीवन सदस्य, मुक्तक प्रतिस्ठान नेपालको सदस्य र अनेसास जापान च्याप्टरका उपाध्यक्ष छन् । उनलाइ ०८१-८०४३६३२०४६९ मा सम्पर्क गर्न सकिन्छ ।

कोरिया संयोजक

रोशन भट्टराई

विराटनगर मोरङ्मा जन्मिएका रोशनको मुख्य रुचि गायन र मोडलिङ् थियो । आफ्नालागि गीत लेख्दालेख्दै यिनी गितकार बने । सन् २००७ मा नेपाली गिती एल्बम प्रकाशन गरेका उनका केही म्युजिक भिडियोहरु पनि छन् । सामायिक विषयहरुमा लेखहरु पनि लेख्ने रोशन सन् २००४ देखि दक्षिण कोरियामा बस्दै आएका छन् ।

राजधानी सोउलमा उनी लुम्बिनी ब्राण्डको नेपाली रेस्टुरेन्ट छ । त्यहीँबाट उनले नेपाली परिकारहरुको अन्तर्राष्ट्रियकरणको प्रयास गरिरहेका छन् ।

थाइल्याण्ड प्रतिनिधि

रित निरौला

म्यान्मार, मोगोकमा जन्मिएकी कल्पाना निरौला साहित्यमा रितका रुपमा परिचित छिन् । वैदेशिक रोजगारीका सिलसिलमा केही वर्षदेखि थाइल्याण्डमा बसोवास गर्ने रितलाई मातृभाषा प्रतिको लोभका कारण साहित्यमा ल्याएको हो । उनी नियमितरुपमा कविता, कथा, गजल तथा सामायिक विषयमा लेखहरु लेख्ने गर्छिन् । उनी थाइल्याण्डका नेपालीभाषीहरुले निकाल्ने ‘कलिला कलमहरु’की सम्पादक हुन् । उनी विश्व नेपाली साहित्य समाज थाइल्याण्डकी उपाध्यक्ष पनि हुन् । उनलाई ६६६२८३५१४५० सम्पर्क गर्न सकिन्छ ।

पेन्सिल भेनिया प्रतिनिधि

जे एन दाहाल

जे एन दाहाल नियमित साहित्य लेखिरहन्छन् । ‘लेखकी छोरी’ कृतिका लेखक दाहाल साहित्य परिषद् भुटानमा सक्रिय छन् । २०६० सालमा नेपाल छँदादेखि नै साहित्यमा गहिरो अभिरुचि राख्ने दाहालले हावाइ पत्रिकामा रचना छपाएर साहित्यको सुरुवात गरेका हुन् । हाल उनी अमेरिकाको पेन्सिलभेनियामा बस्छन् ।

क्यानडा प्रतिनिधि

सुरेन उप्रेती

पाँचथरमा जन्मेका उप्रती हाल अटवा क्यानडामा बसोबास गर्छन् । विदेशमा हुर्किएका नेपाली सन्तानहरुले भाषा नबिर्सियून भनेर उनले स्थानीय अनुकूल हुने गरि नेपाली पाठ्यक्रम तयार पारेका छन् । त्यही पाठयक्रमलाई बर्षौदेखि नेपाली बालबालिकाहरुलाई शिक्षण पनि दिइरहेका छन् । उनी समाज उत्थानका लागि संघठित समूहका महासचिव, क्यानडा नेपाल सोलिडारिटी फर पिस सदस्य, अटवाका नेपालीहरुको संघठन बोर्ड अफ डाइरेक्टर, गैरआवासीय नेपाली संघका क्यानडा उपाध्यक्ष र गैरआवासीय नेपालीहरुको साहित्य संस्कृति र सम्पदा क्षेत्रीय संयोजक पनि भएका थिए ।

उनी भैरव आर्याल साहित्यिक गुठी, युद्धप्रसाद मिश्र प्रतिष्ठान, दायित्व वाङ्मय प्रतिष्ठान नेपाली साहित्य सदन, अन्तर्राष्ट्रिय बालसाहित्य प्रतिष्ठान र अन्तर्राष्ट्रिय नेपाली साहित्य समाजका आजीवन सदस्य हुन् ।

उनले अन्तरदेशीय नेपाली कथाहरु, साहित्यसागर, नेपाली कथाकारहरुको अनुवादित अंग्रेजी कथाहरुको संग्रहको पनि सम्पादन गरेका थिए । उप्रतीका अनन्त यात्रा, वधशालाको डिस्को धुन, र केही वाल साहित्यका पुस्तकहरु प्रकाशित छन् ।

जिल्ला प्रतिनिधि (झापा)

मायामितु

२०५८ सालदेखि अग्निपथ साप्ताहिकबाट पत्रकारिता सुरु गरेकी माया मितुले मिरर टाइम्स, पूर्वाञ्चल दैनिक, नेपालवाणि रेडियो, राजधानी दैनिक हुँदै रेडियो वीरगञ्जका लागि पत्रकारिता गरिन् । पत्रकारिता र साहित्यसम्बन्धी पुरस्कार पनि प्राप्त गरेकी उनी नियमितजसो लेख लेख्छिन् । हाल उनी रेडियो भिजन झापामा कार्यरत छिन् ।

जिल्ला प्रतिनिधि (इलाम)

बालिका थपलिया

पत्रकारिता र साहित्य दुबैका रुचि राख्ने बालिकाका केही पुस्तक प्रकाशित छन् । अंग्रेजी साहित्यमा स्नातकोत्तर बालिकाले अहिले इलामलाई कर्मथलो बनाएकी छन् । उनी त्यहीँबाट साहित्यिक गतिविधिमा सक्रिय छिन् ।

जिल्ला प्रतिनिधि (मकवानपुर)

शान्ति प्रियवन्दना

मकवानपुर भिमफेदीकी शान्ति सुवेदी साहित्यमा शान्ति प्रियवन्दनाका नामले चिनिन्छिन् । २०५० सालदेखि साहित्य सिर्जना सुरु गर्ने प्रियवन्दना कविता, मुक्तक, गीत, गजल र निबन्धमा कलम चलाउँछिन् । उनी प्रगतिशील लेखक संघ मकवानपुरकी अध्यक्ष हुन् । उनी आँचल साहित्य कला पुञ्ज, मातृभूमि साहित्य समाज, साहित्य संगम मकवानपुरसँग पनि आबद्ध छिन् ।

जिल्ला प्रतिनिधि (स्याङ्जा)

सम्भु अर्याल

अंग्रेजी साहित्यमा स्नातकोत्तर अर्याल २०७० सालमा वालिङ बहुमुखी क्याम्पस खुल्ला कविता प्रतियोगितामा प्रथम भएपछि चर्चामा आएका हुन् । वालिङ् क्याम्पसमै भएको खुला गजल प्रतियोगिता (२०७१) मा पनि उनी प्रथम भए । उनी चितवन साहित्य परिषद्का आजीवन सदस्य हुन् । उनको सेतो सुनखानी कविता सङ्ग्रह प्रकाशित छ । स्थानीय तहमा हुने साहित्यिक कार्यक्रमहरुका उनी मियो हुन् ।

मुक्तक सम्पादक

निशा केसी

नेपाली साहित्यमा मुक्तक लेखनमै आफ्नो विशिष्ट स्थान बनाउने निशा केसी मुक्तक सागरकी सम्पादक हुन् । उनले साहित्य लेखनको प्रारम्भ रेडियो नेपालको बाल कार्यक्रमहरुमा प्रस्तुत हुने रचनाहरुबाट गरिन् र विद्यालयका भित्ते पत्रिकाहरुमा निरन्तरता दिईन् । उनी कथा, कघुकथा कविता, निबन्ध पनि लेख्छिन् । यद्यपि सार्वजनिक पहिचान भने उनलाई मुक्तकले दियो । उनको ‘रहरको किनार छुँदा’ नामक मुक्तक संग्रह प्रकाशन भएको छ । उनी नेपाल मुक्तक प्रतिष्ठानकी कोषाध्यक्ष हुन् । उनको सम्पादनमा त्रैमासिक पत्रिका ‘मुक्तक सागर’ पनि प्रकाशन भइरहेको छ ।

सल्लाहकार

दीपक थापा

व्यवशायी दिपक थापा मूलतः भाषा र साहित्यको प्रवद्र्धन हुनुपर्ने सोच राख्छन् । यहि सोचका कारण साहित्यपोस्टसँग आबद्ध भएका थापा पेशाले फस्ट जेनेरेसन कन्सल्टेन्सी एण्ड माइग्रेसनका सञ्चालक हुन् । लिभरपुल इन्टरनेसनल कलेजसँग आबद्ध दिपक एसियन फोर्स र सदिक्षा ओभरसिजका सञ्चालक पनि हुन् ।

तीन वर्ष बैदेशिक रोजगारीका सिलसिलामा मलेसिया बसेका दिपक स्वदेशमै केही गर्नुपर्ने सोच राख्छन् । उनको संस्थाले साहित्यका माध्यमद्वारा समाजसेवा गरिरहेको छ ।

आख्यान सम्पादक

एम जे (मृत्युञ्जय) झा

अन्तर्राष्ट्रिय सम्बन्ध तथा कुटनीति विषयमा जापानबाट उच्च अध्ययन गरेका झा डिकोडिङ् नेपाल अध्ययन तथा विश्लेषण केन्द्रका संस्थापक हुन् । उनको अगुवाइमा सन् २०१२ मा एसिया प्यासिफिक योङ् ग्रिन्ट नेटवर्क नामक संस्था खुलेको हो । साहित्यमा लगाब भएकै कारण उनी बुक मार्टका सहसंस्थापक बने ।

उनका गन्तब्य नियात्रा, साथी बालकथा संग्रह, जुनकिरीको जापान यात्रा, साथी बाल कथा सङ्ग्रह प्रकाशित छन् । उनको त्यागपत्र उपन्यास कोरोना कहरका कारण बजारमा आउन सकेको छैन ।

उनले राष्ट्रिय प्रतिभा पुरस्कार, युवा नेतृत्व पुरस्कार, ग्लोबल लिड नेटवर्क सम्मान र राष्ट्रिय युवा परिषद् पुरस्कार प्राप्त गरेका छन् ।

कला सम्पादक

राज सिटौला

मल्टिमिडिया र ग्राफिक्स डिजाइनमा विशेष रुचि भएका राज सिटौला डाटा विज्ञानमा पनि दख्खल छन् । विज्ञापन एजेन्सीहरुका लागि ग्राफिक डिजाइन गर्दै आएका राज साहित्यमा रुचिका कारण साहित्यपोस्टमा जोडिएका हुन् । उनी आख्यान र इतिहास अध्ययनमा पनि रुचि राख्छन् । उनलाई www.sraj.com.np मा भेट्न सकिन्छ ।