साहित्यपोस्ट विद्युतीय पत्रिकाको खुला मुक्तक प्रतियोगिताको तीसाैँ संस्करणमा मञ्जु मञ्जुभाषिणी, सागर भण्डारी ‘विभोर’ र मुकुन्दकृष्ण थापा सर्वोत्कृष्ट मुक्तककारका रूपमा चयन हुनुभएकाे छ । मुक्तक प्रतियोगिताकाे उनन्तीसाैँ संस्करणमा चाेपनारायण बन्जाडे, टंकबहादुर आलेमगर र शारदा ज्ञवाली सर्वाेत्कृष्ट हुनुभएकाे थियो ।

मुक्तक प्रतियोगिताकाे तीसाैँ संस्करणका लागि तीव्र रूपमा बढेकाे काेराेना सङ्क्रमणलाई मध्यनजर गर्दै जीवन, राेग-भोक र मृत्यु  गरी तीन विषय दिएर मुक्तक आह्वान गरिएकाे थियो । प्रतियोगीहरूले तीन फरक शीर्षक  विषयमा एक मुक्तक पठाउनुभएकाेमा निर्णायक मण्डलले तीन जनालाई सर्वाेत्कृष्ट घाेषित गरेकाे हाे ।

प्रतियोगितामा रीतपूर्वक १६ मुक्तकहरू प्राप्त भएका थिए । मेल, म्यासेन्जर तथा फेसबुक पेजकाे कमेन्ट आएका मुक्तकहरूलाई प्रतियोगितामा सामेल गरिएकाे छैन ।

त्रिभुवन विश्वविद्यालयका प्राध्यापक डाक्टर एवं साहित्य अन्वेषी लक्ष्मणप्रसाद गौतमको नेतृत्वमा बसेको चार सदस्यीय टोलीले रीतपूर्वक प्राप्त भएका तीन मुक्तककार मञ्जु मञ्जुभाषिणी, सागर भण्डारी ‘विभोर’ र मुकुन्दकृष्ण थापा का मुक्तकहरूलाई सर्वोत्कृष्ट घोषित गरेकाे हाे ।

डा. लक्ष्मणप्रसाद गौतमको नेतृत्वमा रहेको उक्त मुक्तक प्रतियोगिताको निर्णायकहरूमा मुक्तमणिकाे विशेषण प्राप्त तीर्थराज अधिकारी, पद्मकन्या कलेजकी उपप्राध्यापक तथा समालाेचक ज्ञानु अधिकारी र साहित्यपोस्टकी मुक्तक सम्पादक निशा केसी रहनुभएकाे छ । चार जना निर्णायकहरूको निर्णयलाई साहित्यपोस्ट, काव्य विभागले सहजीकरण गरेकाे थियो ।

५० सातासम्म चल्ने यस प्रतियोगिताबाट हरेक साता सर्वोत्कृष्ट हुने मुक्तकहरूलाई समेटेर वर्षका चर्चित मुक्तकसङ्ग्रह प्रकाशन गर्ने योजना छ । हरेक साता तीन मुक्तकका दरले एक वर्षमा उत्कृष्ट हुने ४ सय ५० मुक्तकहरूमध्येबाट पनि सर्वोत्कृष्ट तीन मुक्तकहरू छानेर त्यस्ता श्रष्टालाई सार्वजनिक अभिनन्दनसहित नगद पुरस्कार दिने योजना पनि बनाइएको छ । छानिएका ४ सय ५० मुक्तकको पुस्तकसमेत प्रकाशन गरिनेछ ।

विजेताहरूलाई साहित्यपोस्ट, काव्य विभाग हार्दिक बधाई ज्ञापन गर्दछ । साथै मुक्तक प्रतियोगितामा भाग लिने सबैमा आभार प्रकट गर्दछ ।

पढ्नुहोस् विजयी मुक्तकहरूः