सुदूरपश्चिमको ऐतिहासिक साहित्यिक केन्द्र कैलाली जनपुस्तकालयले यस वर्षको ‘दीनानाथ राष्ट्रिय साहित्य प्रतिभा पुरस्कार’ कथाकार महेशविक्रम शाहलाई प्रदान गर्ने निर्णय गरेको छ। प्रतिभा छनौट समितिको सिफारिसका आधारमा पुस्तकालय सञ्चालक समितिले उक्त निर्णय गरेको हो ।

कैलाली जनपुस्तकालयका पूर्व अध्यक्ष स्व. दीनानाथ भट्टको स्मृतिमा उक्त पुरस्कार अक्षयकोषमार्फत् प्रदान गरिँदै आएको छ ।

नेपाली कथा र आख्यानमा विशेष योगदान पुर्याएका महेशविक्रम शाह २०६३ सालको मदन पुरस्कार विजेता लेखक हुन् । उनले छापामारको छोरोका  लागि मदन पुरस्कार पाएका थिए । उनका आधा दर्जन बढी कृति प्रकाशित छन् ।