काठमाडौं / संस्कृति, पर्यटन तथा नागरिक उड्डयन मन्त्रालयले नेपाल संगीत तथा नाट्य प्रतिष्ठानको नयाँ कार्यसमिति गठन गरेको छ । संस्कृतिमन्त्री सुदन किराँतीको सिफारिसमा प्रधानमन्त्री पुष्पकमल दाहाल प्रचण्डले प्रतिष्ठानको नयाँ कार्य समिति गठन गर्नुभएको हो ।

प्रतिष्ठानको कुलपतिमा रंगकर्मी निशा शर्मा नियुक्त हुनुभएको छ । यस्तै उपकुलपतिमा गायक शम्भु राईलाई नियुक्त गरिएको छ । त्यस्तै सदस्य सचिवमा कुस्मा महरालाई नियुक्त गरिएको छ ।

प्राज्ञहरूमा कर्ण बहादुर गौतम, बखतबहादुर हमाल, डक्टर राई, हिसनबहादुर मगर, टीका पुन, चेतन सापकोटा नियुक्त हुनु भएको छ ।

साथै, अन्य २४ जना प्राज्ञसभा सदस्य पनि नियुक्त हुनुभएको छ ।