नेपालको पर्वत जिल्लास्थित मल्लाजमा जन्मी हुर्की हाल मल्लाजबाहिर नेपाली साहित्यमा प्रख्याति बटुलिरहनु भएका तीन नारी स्रष्टाहरूलाई मोहनबहादुर मल्लको ११२ औँ जयन्तीको अवसरमा संयुक्त रूपमा सम्मान गरिने भएको छ ।

काठमाडौँका उषा आचार्य (ढकाल) र गंगा आचार्य सापकोटा तथा रौतहटकी रेणुका जिसीलाई संयुक्त रुपमा “मोहनबहादुर मल्ल पुरस्कार -२०७९”प्रदान गरिने भएको हो ।

मोहनबहादुर मल्ल स्मृति समिति पर्वतका अध्यक्ष, संरक्षक दीप मल्ल, संरक्षक काजी रोशन, संरक्षक प्रकाशबहादुर मल्लको उपस्थितिमा धवलागिरी साहित्य प्रतिष्ठानमा बसेको बैठकले सो निर्णय गरेको हो।

बैठकले मोहनबहादुर मल्लको शालिकलाई साहित्यिक गन्तव्यको रुपमा विकसित गर्नेसमेत निर्णय गरेको छ।

आउँदो माघ २३ गते जलजला गा पा -४ मोहन चोक, पर्वतमा सो पुरस्कार अर्पण गरिने समाचारमा जनाइएको छ ।