नेपालकै पहिलो कवितामा आधारित रियालिटी सो ‘द पोइट आइडल’ पुस १४ देखि प्रसारण हुने भएको छ । प्रख्यात कवि क्षेत्रप्रताप अधिकारीका सुपुत्र अमनप्रताप अधिकारीद्वारा निर्माण निर्देशन गरिएको सोको प्रसारण पुस १४ अर्थात् बिहीबार साँझ ८ः३० बाट हुने भएको हो । सो हरेक साता बिहीबार र शुक्रबार एपी वान टेलिभिजनबाट रात साढे ८ मा प्रसारण हुनेछ।

असोज अन्तिमसम्म भएको अडिसनका लागि नेपालबाट १ सय ७२ जना छानिएका थिए भने विदेशबाट अनलाइन अडिसन दिनेको सङ्ख्या ५० रहेको थियो । डिजिटल अडिसनबाट छानिएका सहभागीहरूमध्येबाट विभिन्न चरणहरू पार गर्दै १४ जना कविहरू छानिने छन् । सोमा सहभागी  सहभागीहरूले कविता लेखन र वाचन गर्नेछन् ।

कार्यक्रममा सहभागीबीच प्रतिस्पर्धा हुनेछ, प्रस्तुति जाँच्ने निर्णयकका साथै दर्शकहरूले पनि आफूलाई मन परेका प्रतिस्पर्धी कवि, कवयित्रीलाई भोट हाल्न पाउने छन् । अन्तिम १४ बाट हरेक हप्ता एक जना प्रतिस्पर्धी बाहिरिने र अन्तिममा एक जना प्रतिभा ‘द पोइट आइडल’ बन्नेछ ।

प्रतियोगितको निर्णायकमा कविद्वय विप्लव प्रतीक र उपेन्द्र सुब्बाका साथमा निर्देशक तथा रंगकर्मी अनुप बराल र अभिनेत्री सुरक्षा पन्त रहनेछन् । कार्यक्रम अभिनेता दिव्यदेव पन्तले सञ्चालन गर्ने भएका छन् ।

कवितासम्बन्धी नेपालकै पहिलो रियालिटी शो ‘द पोइट आइडल’सँग अनलाइन पाटनरका रुपमा नेपालकै पहिलो दैनिक साहित्यिक (इ)पत्रिका साहित्यपोस्ट (www.sahityapost.com) ले सहकार्य गरेको छ । ‘द पोइट आइडल’का सम्पूर्ण गतिविधि तथा सामग्रीहरु विभिन्न रुपमा साहित्यपोस्टमार्फत प्रकाशन गर्नेछ ।

‘द पोइट आइडल’को विजेता कविले दस लाख रूपियाँ नगद पाउने छन् । साथै, यात्रा पब्लिसिङ्ग हाउसका तर्फबाट विजेता कविको ५ लाख बराबरको कवितासङ्ग्रह प्रकाशन गरिनेछ ।

‘द पोइट आइडल’का बारेमा थप जान्नका लागिः

१. पोइट आइडलका निर्णायक भन्छन् – महान् चिन्तकहरू हुनुहुन्छ, हामीले कवितालाई कति पो बिगारौंला !

२. द पोइट आइडल : अब दुनियाँले हेर्नेछ तपाईँको कविता !