राष्ट्रिय प्रकृति संरक्षण कोषको आयोजना भएको अन्तर विद्यालय एफ ओ जेड अभिनयात्मक कविता प्रतियोगितामा निर्णायकको रुपमा गोरखापत्रका पूर्वसम्पादक तथा वलिष्ठ साहित्यकार श्रीओम श्रेष्ठ रोदन, त्रिभुवन विश्वविद्यालयका उपप्राध्यापक डा.मधुसूदन गिरी र साहित्यपोस्टका प्रधानसम्पादक अस्वीनी कोइराला हुनुहुन्छ । उक्त कार्यक्रममा जेसिस इन्टर्नेशनल स्कुलका विद्यार्थी स्मृति थापा र आकृति प्रथम भएका छन् ।

कोषले व्यवस्थापन गरेको सदर चिडियाखाना २७ औँ वार्षिकोत्सवको उपलक्ष्यको उक्त कार्यक्रममा सुसंस्कार एकेडेमीबाट विद्यार्थी दिलाशा अधिकारीले द्वितीय र विजेश्वरी ज्ञान मन्दिरबाट प्रतीक्षा र ईशा गुरगाईं तृतीय भएका छन् ।

यसैगरी मञ्जुश्री बोर्डिङ स्कुलबाट प्रनिशा तण्डुकर र पारिजात इ स्कुलबाट श्रीया खड्कीले सान्त्वना पुरस्कार प्राप्त गरेका छन् ।