साहित्यपोस्ट
नेपाली भाषा र साहित्यको सम्पूर्ण पत्रिका
Sahityapost Book

“सुश्री पारिजात” जीवनी पुस्तक छिट्टै बजारमा आउँदै

Chovar Blues Mobile Size

नेपाली साहित्यकी सर्वाधिक चर्चित लेखिका पारिजातको जीवनी पुस्तक “सुश्री पारिजात” यसै महिना बजारमा आउने भएको छ ।

यस कृतिका लेखक गोविन्द गिरी प्रेरणा हुन् जो विगत १८ वर्षदेखि अमेरिकालाई कर्मभूमि बनाए पनि निरन्तर लेखनमा प्रतिबध्द भएर लागिरहनु भएको छ ।

पारिजात मदन पुरस्कार पाउने प्रथम लेखिका हुनुहुन्छ । उहाँले “शिरिषको फूल” उपन्यासका लागि २०२२ सालमा प्रतिष्ठित मदन पुरस्कार पाउनु भएको थियो ।

नेपाली साहित्यको क्षेत्रमा कथा, कविता, निबन्ध, समालोचना, उपन्यास, नियात्रा लगायतका विविध विधामा २६ पुस्तक प्रकाशन गरिसक्नु भएका प्रेरणाको यो २७ औं कृति हो ।

साहित्यपोष्टसँगको कुराकानीमा साहित्यकार प्रेरणाले प्रस्तुत पुस्तक तयार गर्न करिब दुई दशक समय अध्ययन अनुसन्धानमा लागेको बताउनु भयो । जीवनी विधामा उहाँको यो पहिलो कृति हो ।

यस पुस्तकलाई निजी क्षेत्रको अग्रणी प्रकाशन फाइन प्रिन्टले प्रकाशनमा ल्याउन लागेको हो ।

स्मरणीय छ, साहित्यकार प्रेरणाले साहित्यपोष्ट प्रकाशनको थालनीदेखि नै नियमित रूपमा विविध विधामा रचनाहरू तथा स्तम्भ लेखन गरिरहनु भएको छ ।

प्रतिक्रिया
Loading...