भक्तपुर / शुभ दीपावली, नेपालसम्बत् नयाँ वर्ष र छठ पर्वको अवसरमा भक्तपुरमा साहित्यकार कलाकारहरुले भेटघाट तथा शुभकामना संवाद गरेका छन् ।

कार्यक्रमको उद्घाटन गदै ध्रुव मधिकर्मीले सिर्जना कार्यमा साहित्यकार कलाकारहरु बीचको भेटघाट र संवादले पनि महत्त्वपूर्ण भूमिका खेल्न सक्ने बताउनुभयो ।

वरिष्ठ गीतकार सुवासचन्द्र ढुंगेलले साहित्यमा संगीतलाई जोडेपछि त्यसले पूर्णता प्राप्त गर्छ भन्नुभयो ।

कलेजका प्रिन्सिपल अनिल कसमाल, गायकद्धय लक्ष्मण पलिखेल र शम्धु राजभण्डारीले पनि शुभकामना व्यक्त गर्नुभएको थियो ।

मोर्डन कलेजको प्राङ्गणमा भएको सो कार्यक्रममा गायकहरु रोशन धौभडेल, सुष्मा मानन्धर, सुमन शाक्य, प्रणील पलिखेल, अनुज प्रजापति, सर्वश्री कसपाल, अधिश्री कसपाल, राजेशमान केसी, केलाश भुषाल, विनोद ढुंगेल, समिता लोप्चन र प्राप्ति निरोला लगायतले गीत प्रस्तुत गर्नुभएको थियो ।

भक्तपुरमा साहित्यकार कलाकारहरुले विगत दस बाह्र वर्षदेखि दसैं र तिहारको बीचमा यसप्रकारको भेटघाट र शुभकामना संवाद गर्दे आएका छन् ।

कार्यक्रम सिर्जना अभियान समाज, भक्तपुर एफ. एम, मोर्डन कलेज र आराधना समूहको आयोजनामा भएको हो ।