भरतपुर / रामेश्वर पुस्तकालयले हालै स्थापना गरेको “विष्णु हीरा रामेश्वर प्रतिभा सम्मान” डिआर पोखरेललाई प्रदान गरिएको छ ।

पोखरेलद्वारा लिखित संस्कृतिका सोपानमा चितवन पुस्तकलाई यो पुरस्कार प्रदान गरिएको हो । पुरस्कारको राशि २५ हजार ५५ रूपैयाँ रहेको छ ।

भरतपुर महानगरपालिका वडा नं.४ ( हाल अष्ट्रेलिया ) निवासी डिला खरेलले बुबा विष्णुप्रसाद र आमा हीरादेवीको सम्मानमा रामेश्वर पुस्तकालय तथा वाचनालयमार्फत वितरण गर्नेगरी पुरस्कार स्थापना गरिएको हो ।

पुस्तकालयमा पुरस्कार प्रयोजनका लागि प्राप्त पुस्तकहरूमध्येबाट उत्कृष्ट ठहरिएको कृतिलाई नगद राशिसहित “विष्णु हीरा रामेश्वर प्रतिभा सम्मान” प्रदान गरिएको पुस्तकालयका अध्यक्ष बालकृष्ण थपलियाले जानकारी दिनुभयो ।

शनिबार पुस्तकालयलको १९ औँ साधारणसभा तथा अधिवेशनसमेत गरिएको छ ।