साहित्यपोस्ट
नेपाली भाषा र साहित्यको सम्पूर्ण पत्रिका

तिगेलाको ह्वाइ चाइना इज नट रिप्लेसिङ अमेरिका पुस्तक विमोचित

Chovar Blues Mobile Size

युकेको अल्डरसुटमा विश्वास दीप तिगेलाद्वारा लिखित ह्वाइ चाइना इज नट रिप्लेसिङ अमेरिका पुस्तक गत साउन ३० गते विमोचन गरियो ।

युकेको लागि नेपाली राजदूत ज्ञानचन्द्र आचार्यले एक समारोहबीच सो पुस्तकको विमोचन गर्नुभयो । क्यान्टवरी यूनिभर्सिटीबाट राजनीशास्त्रमा डिग्री र अन्तर्राष्ट्रिय सम्बन्धमा माष्टर्स डिग्री गरेका तिगेलाले माष्टर्स डिग्रीको निमित्त तयार गरी बुझाएको शोधपत्रलाई नै पुस्तकको रुपमा इण्डिपेन्डेन पब्लिकेशन युकेले प्रकाशन गरेको हो ।

चाइनालाई घेर्ने पश्चिमा रणनीति जारी रहेको बखत तिगेलाले चाइनाको तिब्बेत समस्या, सिंज्याङ प्रान्तको उहिगुर मुस्लिमहरू माथिको दमन, ताइवान समस्या, हङकङ समस्या र दक्षिण चीनको सामुन्द्रिक झगडाको बारेमा पर्गेलेका छन् भने विश्वलाई प्रभाव पार्ने चिनियाँ परियोजना वेल्ट एण्ड रोड इनिसिटिभ, विश्व बैंक र आईएमएफ मार्फत जारी पश्चिमाहरूको प्रभावलाई निस्तेज गर्न बनेको व्रिक्स एलायन्स, चीन र रसिया बीचको सैनिक हतियार विकासमा भएको दुई देशको सम्झौता र प्रगति, चिनियाँ सरकारको राजनैतिक संरचना, चिनियाँ कम्युनिष्ट प्रणालीको प्रकृति, चिनियाँ सरकारले चीनका आदिवासी जनजातिहरूलाई दिने हक अधिकार र सेवासुविधा, चिनियाँ राजनैतिक पिता माउत्सेतुङ, चिनियाँ अर्थतन्त्रका पिता देङ स्याओपिङ र हालका राष्ट्रपति सि जिङपिङले प्रतिपादन गरिएको भनिएको चिनियाँ विशेषताको समाजवादको बारेमा लेखक तिगेलाले समेटेका छन् ।

माउत्से तुङले शक्ति बन्दुकको नालबाट निस्कन्छ भनेका थिए तर त्यसको ठिक विपरीत चिनियाँ शक्ति सावल र सिमेन्टबाट निस्किएको टिप्पणी गरेका छन् । संरचना निर्माण गर्ने शक्तिकै कारण सिंगो अफ्रिका, ल्याटिन अमेरिका र आँशिक एशिया चीनको पछि लागेका छन् तथापि चीनको प्रभाव रोक्न र सीमित भूमिकामा राख्न अमेरिका लगायत सिंगो पश्चिमा लगायत फाइभ आई मुलुकहरु हरसम्भव तिकडम गरिरहेको अवस्था एकातिर छ भने अर्कोतिर अरु देशको आन्तरिक मामलामा हस्तक्षेप नगर्ने जस्ता एक्लोपने चिनियाँ परराष्ट्र नीतिका कारण अहिले नै चीनले अमेरिकाको अन्तराष्ट्र्रिय भूमिकालाई प्रतिस्थापन गर्न नसक्ने तिगेलाको निर्क्योल छ तर केही समय पछाडि भने सो सम्भवलाई नकार्न नसकिने तिगेलाको टिप्पणी छ ।

लेखक तिगेलाले सो समारोहमा अन्य मुलुकमा आदिवासी जनजातिहरुको हकअधिकारलाई कसरी संवैधानिक रुपबाट सुरक्षित र ब्यवस्थित गरिएको छ भन्ने बारेमा चीन, क्यानडा र भारतको ब्यवस्था बारेमा प्रिजेन्टेशन गरेका थिए । नेफिन युकेका अध्यक्ष कर्म पहाडीको अध्यक्षतामा भएको कार्यक्रमलाई नेफिन महासचिव विमला सेनेले संचालन गरेकी थिइन् ।

प्रतिक्रिया
Loading...