साहित्यपोस्ट
नेपाली भाषा र साहित्यको सम्पूर्ण पत्रिका

‘प्रकाश’ले कविता प्रतियोगिता गर्दै, प्रथम हुनेलाई एक लाख पुरस्कार

Chovar Blues Mobile Size

आउँदो भदौ १० गतेदेखि प्रदर्शनमा आउने तयारीमा रहेको नेपाली चलचित्र ‘प्रकाश’ले शिक्षकबारे कविता प्रतियोगिता आयोजना गरेको छ ।

निर्माण टोलीले विभिन्न कलेज तथा स्कूलका विद्यार्थीले भाग लिन पाउने गरी कविता प्रतियोगिता आयोजना गर्दै पुरस्कारको घोषणा गरेको हो ।

प्रतियोगितामा सहभागी मध्येबाट प्रथम हुनेले नगद एक लाख रुपैयाँ पुरस्कार पाउनेछ।

सहभागीहरूले आफ्नो गुरु (शिक्षक)को विशेषता वा महत्त्वबारे कविता लेख्नुपर्नेछ ।

प्रतियोगितामा द्वितीय हुनेले ५० हजार रुपैयाँ पाउने बताइएको छ ।

सहभागिता जनाउनका लागि १२ वर्ष पूरा भई १८ वर्ष ननाघेको हुनु पर्ने निर्माण टिमले जनाएको छ ।

sagarmani mobile size

कक्षा १२ सम्म अध्ययनरत विद्यार्थीले सहभागिता जनाउन सक्नेछन् ।

कविता नेपाली र अंग्रेजी दुबै भाषामा लेख्न सक्ने जनाइएको छ ।

सहभागीले कविताको भिडियो बनाएर prakashthefilm@gmail.com मा पठाउनुपर्नेछ ।

कविताको लम्बाई १ मिनेटदेखि साढे १ मिनेटसम्मको हुनुपर्ने जनाइएको छ ।

साउन २० गतेदेखि भदौ २० गतेसम्मका लागि प्रतिस्पर्धा समयावधि तोकिएको छ ।

विकट गाउँको एक युवाले शिक्षक बन्न गर्ने संघर्षको कथा ‘प्रकाश’ चलचित्रमा देखाइएको छ ।

दिनेश राउत निर्देशित चलचित्रमा प्रदीप खड्का, दीया मास्के, रेनु योगी, प्रकाश घिमिरे, राजन खतिवडालगायतका कलाकारहरूले अभिनय गरेका छन् । विकास सुवेदीको लेखन रहेको चलचित्रको निर्माता महेन्द्र अधिकारी हुन् ।

प्रतिक्रिया
Loading...